iPhone Price Drop: अर्थसंकल्पात मोबाईल फोनवरील आयात शुल्कात कपात करण्याची घोषणा केल्यानंतर ॲपलने भारतात आयफोनच्या किमती 5,100-6,000 रुपयांनी कमी केल्या आहेत. Apple ने जारी केलेल्या नवीन किंमतीच्या यादीनुसार, देशात आयात केलेल्या iPhone Pro मॉडेल्सची किंमत 5,100-6,000 रुपयांनी कमी करण्यात आली आहे.

भारतीय ग्राहकांसाठी, 128 GB स्टोरेज असलेल्या iPhone Pro मॉडेलची किंमत 3.7 टक्के कपातीनंतर 1,29,800 रुपये झाली आहे. त्याचप्रमाणे, 256 GB स्टोरेजसह एंट्री लेव्हल iPhone Pro Max ची किंमत 1,59,900 रुपयांवरून 1,54,000 रुपयांपर्यंत कमी झाली आहे. यासोबतच Apple ने भारतात बनवलेल्या iPhone 13, 14 आणि 15 सीरीजच्या iPhone च्या किमती 300 रुपयांनी कमी केल्या आहेत.

आयफोन SE किती स्वस्त झाला?

iPhone SE मॉडेल 2,300 रुपयांनी स्वस्त झाला आहे. एंट्री लेव्हल iPhone SE ची किंमत आता 49,900 रुपयांवरून 47600 रुपये झाली आहे. आयफोन मॉडेल्सच्या किमतीत हा बदल मोबाईल फोन आणि चार्जरवरील आयात शुल्क 20 टक्क्यांवरून 15 टक्के करण्याच्या बजेटच्या प्रस्तावानंतर झाला आहे.

आयफोनचे प्रो आणि प्रो मॅक्स मॉडेल भारतात बनवले जातील

ॲपल भारतात पहिल्यांदाच फक्त आयफोनचे प्रो आणि प्रो मॅक्स मॉडेल बनवणार आहे. त्याची सुरुवात आयफोनच्या आगामी 16 मालिकेपासून होईल. माहितीनुसार, ते फॉक्सकॉनच्या सहकार्याने भारतात आयफोन 16 सीरीजचे प्रो आणि प्रो मॅक्स मॉडेल बनवेल.

चीनच्या बाहेर उत्पादनाला प्रोत्साहन देण्याच्या योजनेचा भाग म्हणून कंपनीने हा निर्णय घेतला आहे. iPhone 16 सीरीज सप्टेंबरमध्ये लॉन्च होऊ शकते.

पहिल्यांदाच किंमती कमी केल्या

ॲपलने आपल्या जवळपास सर्व आयफोन मॉडेल्सच्या किंमती कमी करण्याची ही पहिलीच वेळ आहे. नवीन आयफोन मॉडेल्स लॉन्च केल्यानंतर, कंपनी काही जुने मॉडेल्स बाजारात आणत नाही ते मॉडेल्स बंद करते. मात्र, आयफोनच्या किमतीतील ही कपात युजर्ससाठी चांगली बातमी आहे.