नवी दिल्ली : मॅक्स लाइफ इन्शुरन्स कंपनीने पात्र पॉलिसीधारकांसाठी आर्थिक वर्ष २०२३-२४ मध्ये आतापर्यंतचा सर्वाधिक १,८२६ कोटी रुपयांचा बोनस जाहीर केला आहे. गेल्या आर्थिक वर्षात घोषित केलेल्या बोनसपेक्षा त्यात १४ टक्क्यांनी वाढ झाली आहे.
कंपनीचा हा सलग २२ वा वार्षिक बोनस आहे. हा वार्षिक बोनस अंदाजे २१ लाख पात्र सहभागी पॉलिसीधारकांना मिळणार आहे. कंपनीच्या व्यवस्थापनाखालील मालमत्ता ६७,७२२ कोटींवर पोहोचली असून, आर्थिक वर्ष २०२३-२४ मध्ये वैयक्तिक समायोजित प्रथम वर्ष प्रीमियम १६ टक्क्यांनी वाढून ६९६१ कोटीं रुपये झाले आहे, तर एकूण लेखी प्रीमियम २९,५२९ कोटी रुपये आहे.
‘‘स्पर्धात्मक फंड व्यवस्थापनामुळे हा सर्वोच्च बोनस देणे शक्य झाले असून, गेल्या वर्षभरात, उत्पादनात नावीन्य आणण्यात व स्मार्ट वेल्थ ॲडव्हांटेज ग्रोथ योजनेसारखे प्रस्ताव तयार करण्यात आघाडी घेतली आहे,’’ असे कंपनीचे मुख्य कार्यकारी अधिकारी प्रशांत त्रिपाठी यांनी सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.