RBI Monetary Policy 2024 Updates: रिझर्व्ह बँकेच्या पतधोरणाचा निकाल आज जाहीर झाला आहे. आरबीआयने गेल्या वर्षभरात रेपो दरांमध्ये कोणताही बदल केलेला नाही. सध्या रेपो दर 6.5 टक्के आहेत. आरबीआयची बैठक 3 एप्रिलपासून सुरू झाली असून आज याबाबतचा निर्णय जाहीर झाला आहे. रिझर्व्ह बँकेने आज रेपो दर 6.5 टक्के कायम ठेवला आहे. त्यामुळे तुमच्या कर्जाचा EMI वाढणार नाही. (RBI Monetary Policy 2024 Updates Governor Shaktikanta Das announce MPC decision Know Details)

रेपो दर म्हणजे काय?

ज्याप्रमाणे तुम्ही तुमच्या गरजा पूर्ण करण्यासाठी बँकेकडून कर्ज घेता आणि त्याची निश्चित व्याजासह परतफेड करता, त्याचप्रमाणे सार्वजनिक, खाजगी आणि व्यावसायिक क्षेत्रातील बँकांनाही त्यांच्या गरजा पूर्ण करण्यासाठी कर्ज घ्यावे लागते.

अशा परिस्थितीत रिझर्व्ह बँक ऑफ इंडियाकडून बँकांना ज्या व्याजदराने कर्ज दिले जाते त्याला रेपो रेट म्हणतात. रेपो रेट कमी झाला की सर्वसामान्यांना दिलासा मिळतो आणि रेपो दर वाढला की सर्वसामान्यांच्या अडचणीही वाढतात.

रेपो दर वाढल्याने EMI का वाढतो?

रेपो रेट हा एक प्रकारचा बेंचमार्क आहे, ज्याच्या आधारावर इतर बँका सामान्य लोकांना दिलेल्या कर्जाचा व्याजदर ठरवतात. रेपो दर वाढला की बँकांना जास्त व्याजदराने कर्ज मिळते. (RBI MPC meet updates RBI keeps repo rate unchanged at 6.5%)

अशा परिस्थितीत बँका सर्वसामान्यांसाठी गृहकर्ज, कार कर्ज आणि वैयक्तिक कर्जावरील व्याजदर वाढवतात. व्याजदरात वाढ झाल्याचा थेट परिणाम सर्वसामान्यांच्या ईएमआयवर होतो आणि त्यांचा ईएमआय वाढतो.

रिव्हर्स रेपो म्हणजे काय?

रिव्हर्स रेपो रेट हा असा दर आहे ज्यावर रिझर्व्ह बँक ऑफ इंडिया व्यावसायिक बँकांचे अतिरिक्त पैसे स्वतःकडे जमा करते. त्या बदल्यात आरबीआय या बँकांना व्याज देते. याला रिव्हर्स रेपो रेट म्हणतात.

रिव्हर्स रेपोचा तुमच्यावर कसा परिणाम होतो?

जेव्हा बाजारात रोखीची उपलब्धता वाढते तेव्हा महागाई वाढण्याची शक्यताही वाढते. अशा परिस्थितीत, आयबीआय रिव्हर्स रेपो रेट वाढवते जेणेकरून बँक व्याज मिळविण्यासाठी त्यांचे पैसे आरबीआयकडे ठेवतात. बाजारात वितरित करण्यासाठी बँकांकडे कमी पैसे शिल्लक राहतात. (RBI monetary policy live updates: RBI MPC keeps repo rate unchanged at 6.5%; GDP likely to grow at 7%, inflation at 4.5% in FY25, says Das)