ShareChat layoff: सोशल मीडिया कंपनी शेअरचॅटने एकाच वेळी 200 कर्मचाऱ्यांना कामावरून काढून टाकले आहे. कंपनीच्या एकूण कर्मचाऱ्यांपैकी हे प्रमाण 15 टक्के आहे. ShareChat ही एक युनिकॉर्न कंपनी आहे. युनिकॉर्न म्हणजे त्या कंपनीचे मूल्यांकन 1 अब्ज डॉलर्स आहे. गेल्या काही महिन्यांपासून न्यू एज इंटरनेट कंपन्यांच्या समस्या संपत नसल्याने त्याचा फटका कर्मचाऱ्यांना सहन करावा लागत आहे.
ShareChat ने कर्मचाऱ्यांना का काढून टाकले?
कंपनीला पुढील चार ते सहा महिन्यांत खर्च कमी करायचा आहे, म्हणून कंपनी कर्मचारी कपातीच्या माध्यमातून खर्च कमी करत आहे. कंपनीने 20 डिसेंबर रोजी सांगितले की, "ShareChat ने 2024 साठी योजना तयार केली आहे. त्यामुळे कंपनीला आपला खर्च कमी करायचा आहे. आणि पुढील 4 ते 6 महिन्यांत नफा मिळवायचा आहे."
या वर्षाच्या सुरुवातीला शेअरचॅटने 600 कर्मचाऱ्यांना कामावरून काढून टाकले होते. तेव्हाही कंपनीने कॉस्ट कटिंगचा हवाला दिला होता. त्यावेळी भानू प्रताप सिंह आणि फरीद अहसान यांनी पदाचा राजीनामा दिला होता.
काही दिवसांपूर्वी थर्ड वेव्ह कॉफीने 100 ते 120 कर्मचाऱ्यांना कामावरून काढून टाकले आहे. थर्ड वेव्ह कॉफी हा एक कॅफे ब्रँड आहे जो आपल्या ग्राहकांना खास कॉफी आणि खाद्यपदार्थ पुरवतो.
जगभरातील कंपन्या आर्थिक मंदीमुळे घाबरल्या आहेत. अगोदर कोरोना लॉकडाऊन आणि रशिया-युक्रेन युद्धामुळे जागतिक बाजारपेठेतील वाढत्या अनिश्चिततेमुळे टेक कंपन्यांनी नोकरभरती थांबवली आहे आणि मोठ्या प्रमाणात कर्मचाऱ्यांना कामावरून काढण्यास सुरुवात केली आहे. यामागे रशिया-युक्रेन युद्धामुळे पुरवठा साखळीतील अडचण असल्याचेही सांगितले जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.