मुंबई : यूनिलेक्स कलर्स अँड केमिकल्स लि. या रसायने आणि खाद्यरंगांचे उत्पादन करणाऱ्या कंपनीचा ‘आयपीओ’ २५ सप्टेंबर रोजी खुला होणार असून, तो २७ सप्टेंबर रोजी बंद होईल. या ‘आयपीओ’मध्ये कंपनी ३६ लाख नवे शेअर विक्रीसाठी उपलब्ध करणार आहे, त्यातून ३१.३२ कोटी रुपये उभारण्याची कंपनीची योजना आहे.

या ‘आयपीओ’करिता प्रतिशेअर ८२ ते ८७ रुपये किंमतपट्टा निश्चित करण्यात आला असून, गुंतवणूकदारांना किमान १६०० शेअरसाठी बोली लावावी लागेल. या शेअरची नोंदणी ‘एनएसई एसएमई’वर तीन ऑक्टोबर रोजी होईल.

‘आयपीओ’तून उभारलेला निधी कर्जाच्या आंशिक परतफेडीसाठी, खेळत्या भांडवलासाठी, व्यावासायिक कामांसाठी वापरला जाईल, असे कंपनीने म्हटले आहे. या ‘आयपीओ’साठी हेम सिक्युरिटीज लि. बुक रनिंग लीड मॅनेजर आहे.