PSX Climbs to New High: गेल्या काही दिवसांपासून भारतीय शेअर बाजारात मोठी घसरण पाहायला मिळत असतानाच चीनप्रमाणे पाकिस्तानचा शेअर बाजारही तेजीत आहे. गेल्या काही दिवसांत तो इतका झपाट्याने वाढला आहे की त्याने एक नवा विक्रम केला आहे.
एवढेच नाही तर भारतीय शेअर बाजारालाही मागे टाकले आहे. मंगळवारी सेन्सेक्स 81,200 च्या जवळ होता, तर पाकिस्तान स्टॉक एक्सचेंज (PSX) बेंचमार्क KSE100 ने 85 हजारांचा टप्पा ओलांडला आहे.
KSE100 ने 85 हजारांचा टप्पा ओलांडण्याची ही पहिलीच वेळ आहे. सेन्सेक्सनेही 85 हजारांचा हजारांचा टप्पा ओलांडला असला तरी गेल्या काही दिवसांतील घसरणीमुळे तो 82 हजारांच्या खाली घसरला आहे. 27 सप्टेंबरपासून भारतीय शेअर बाजारात घसरण सुरू आहे. मात्र आज त्यात काहीशी सुधारणा झाली आहे.
काल सोमवारी, पाकिस्तानी शेअर बाजाराचा बेंचमार्क KSE100 1,378 अंकांनी वाढला होता. या वाढीसह तो 84910 अंकांवर बंद झाला. मंगळवारी पाकिस्तानचा शेअर बाजार उघडला तेव्हा त्याने पुन्हा आघाडी घेतली आणि 85 हजारांचा आकडा पार केला. KSE100 ने 85 हजारांचा टप्पा ओलांडण्याची ही पहिलीच वेळ आहे.
पाकिस्तानच्या शेअर बाजाराची किंमत 11 लाख कोटी पाकिस्तानी रुपये आहे. भारतीय चलनात हे मूल्य सुमारे 3.33 लाख कोटी रुपये आहे. विदेशी गुंतवणूकदारही पाकिस्तानच्या शेअर बाजारात रस दाखवत आहेत. विदेशी गुंतवणूकदारांनी पाकिस्तानच्या शेअर बाजारात 2.82 दशलक्ष डॉलर गुंतवणूक केली आहे. यामुळे शेअर बाजाराच्या मार्केट कॅपमध्ये मोठी वाढ झाली आहे.
तेल, गॅस, बँकिंग, सिमेंट आदी अनेक क्षेत्रांत तेजी असून त्यामुळे पाकिस्तानी बाजार तेजीत आहे.
आयएमएफनेही पाकिस्तानला 7 अब्ज डॉलर्सचे कर्ज मंजूर केले आहे. यामुळेही बराच फरक पडला आहे.
पाकिस्तानची महागाई कमी झाली आहे. त्याचबरोबर सरकारने चांगल्या आर्थिक धोरणांसाठी काही योजनाही आखल्या आहेत.
उत्पन्नात घसरण झाल्यामुळे गुंतवणूकदारांनीही जास्त परतावा मिळण्यासाठी शेअर बाजाराकडे मोर्चा वळवला आहे.
KSE100 ने 85 हजारांचा टप्पा ओलांडला असला तरी तो भारतीय शेअर बाजारापेक्षा खूप मागे आहे. सेन्सेक्सने फार पूर्वी 85 हजारांचा टप्पा ओलांडला होता. मात्र, चिनी प्रोत्साहन पॅकेज आणि मध्यपूर्वेतील तणावामुळे गुंतवणूकदारांनी भारतीय बाजारातून पैसे काढून चीनच्या बाजारपेठेत गुंतवले आहेत. त्यामुळे भारतीय बाजार घसरला आहे. BSE चे मार्केट कॅप सध्या 454 लाख कोटी रुपये आहे. हे पाकिस्तानच्या मार्केट कॅपपेक्षा 100 पट जास्त आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.