ॲक्सिस बँकेच्या शेअर्समध्ये नुकतीच एक मोठी ब्लॉक डील दिसून आली. या ब्लॉक डीलमुळे, ॲक्सिस बँकेचे शेअर्स घसरले आणि ते अजूनही रेड झोनमध्ये आहेत. जरी इंट्रा-डे मध्ये तो 0.56 टक्क्यांनी वाढून 1245.95 रुपयांच्या विक्रमी उच्चांकावर पोहोचला पण नंतर तो घसरला. एका रिपोर्टनुसार, 2,088.2 कोटीच्या शेअर्सचे व्यवहार झाले. व्यवहार केलेल्या शेअर्सची संख्या त्याच्या इक्विटी होल्डिंगच्या 0.55 टक्के इतकी आहे. मिळालेल्या माहितीनुसार, बँकेच्या 1.7 कोटी शेअर्सचे व्यवहार 1226 रुपयांना झाले. शेअर्स कोणी विकत घेतले आणि कोणी विकले याचा खुलासा अद्याप झालेला नाही.
यापूर्वी एप्रिल 2024 मध्ये देखील ॲक्सिस बँकेतून संस्थात्मक पैसे काढण्यात आले होते. त्यावेळेस बेन कॅपिटनने त्याचे संपूर्ण उर्वरित भागभांडवल विकले जे एक टक्क्यापेक्षा कमी होते. हा हिस्सा बेन कॅपिटलने 3574 कोटीना विकला होता. खासगी इक्विटी फर्म बेन कॅपिटलने नोव्हेंबर 2017 मध्ये ॲक्सिस बँकेत 6854 कोटीची गुंतवणूक केली होती.
दुसरीकडे या आठवड्याच्या सुरुवातीला ऍक्सिस बँकेने मॅक्स लाइफमधील आपला हिस्सा 19.02 टक्क्यांवरून 19.99 टक्क्यांवर वाढवला. ॲक्सिस बँकेने ही खरेदी ३३६ कोटींना केली आहे. ॲक्सिस बँक आणि तिच्या दोन उपकंपन्या - ॲक्सिस कॅपिटल आणि ॲक्सिस सिक्युरिटीज - यांना विमा नियामक IRDAI कडून त्यात 20 टक्के हिस्सा संयुक्तपणे ठेवण्यासाठी मंजुरी मिळाली आहे. ॲक्सिस 2021बँकेने मध्ये मॅक्स लाइफ इन्शुरन्ससोबत केलेल्या करारानुसार ही हिस्सेदारी वाढवली.
ॲक्सिस बँकेचे शेअर्स बीएसईवर 0.55 टक्क्यांच्या घसरणीसह 1232.10 रुपयांवर ट्रेड करत आहेत. गेल्या एका वर्षाचा विचार केल्यास, गेल्या वर्षी 28 ऑगस्ट 2023 रोजी तो 921 रुपयांवर होता, जो त्याच्या शेअर्ससाठी एका वर्षातील नीचांकी पातळी आहे. या निचांकी स्तरावरून, 10 महिन्यांत 35 टक्क्यांहून अधिक तेजी गाठत 21 जून 2024 रोजी 245.95 वर पोहोचला, जो त्याच्या शेअर्ससाठी विक्रमी उच्चांक आहे.
नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.