अलाईड ब्लेंडर्स अँड डिस्टिलर्सचा आयपीओ आजपासून अर्थात 25 जूनपासून सबस्क्रिप्शनसाठी खुला झाला आहे. आयपीओच्या माध्यमातून 1,500 कोटी उभारण्याचा कंपनीचा मानस आहे. आयपीओचा प्राईस बँड 267-281 रुपये प्रति शेअर निश्चित करण्यात आला आहे. जिथे गुंतवणुकदारांना एका लॉटमध्ये 53 शेअर्ससाठी बोली लावता येणार आहे. गुंतवणूकदारांना 27 जूनपर्यंत आयपीओमध्ये गुंतवणूक करण्याची संधी असेल. त्याच वेळी, हा आयपीओ 24 जूनला अँकर गुंतवणूकदारांसाठी खुला असेल.
अलाईड ब्लेंडर्स आणि डिस्टिलर्सच्या आयपीओमध्ये नवीन इश्यू तसेच ऑफर फॉर सेल (OFS) समाविष्ट आहे. इश्यू अंतर्गत 1,000 कोटीचे फ्रेश इक्विटी शेअर्स जारी केले जातील. याव्यतिरिक्त, ओएफएसअंतर्गत विद्यमान शेअरहोल्डर्सकडून 500 कोटी रुपयांच्या शेअर्सची विक्री केली जाईल. बिना किशोर छाब्रिया आणि रेशम छाब्रिया जितेंद्र हेमदेव हे ओएफएसमध्ये विक्री करणारे शेअरहोल्डर आहेत, जे अनुक्रमे 375 कोटी आणि 125 कोटी रुपयांचे शेअर्स विकतील. कंपनीने आपल्या कर्मचाऱ्यांसाठी 3 कोटीचे इक्विटी शेअर्स राखून ठेवले आहेत.
अलाईड ब्लेंडर्स आणि डिस्टिलर्स आयपीओच्या उत्पन्नातून 720 कोटी कर्जाची परतफेड करण्यासाठी वापरतील. शिवाय, उर्वरित रक्कम सामान्य कॉर्पोरेट हेतूंसाठी वापरली जाईल. आयसीआयसीआय सिक्युरिटीज, नुवामा वेल्थ मॅनेजमेंट आणि आयटीआय कॅपिटल हे मर्चंट बँकर आहेत. लिंक इन्टाइम इंडिया रजिस्ट्रार आहे. अलाईड ब्लेंडर्स ही इंडियन मेड फॉरेन लिकर (IMFL) उत्पादन करणाऱ्या सर्वात मोठ्या कंपन्यांपैकी एक आहे. कंपनी ऑफिसर्स चॉइस व्हिस्की, स्टर्लिंग रिझर्व्ह, ऑफिसर्स चॉइस ब्लू आणि आयकॉनिक व्हिस्की यासह व्हिस्की, ब्रँडी, रम आणि व्होडकाच्या 16 ब्रँडचा उत्पादन पोर्टफोलिओ ऑफर करते.
संपूर्ण भारतातील वितरण नेटवर्कसह मुंबईस्थित या कंपनीने मार्च 2023 मध्ये संपलेल्या आर्थिक वर्षात 1.6 कोटीचा निव्वळ नफा कमावला आहे, जो मागील वर्षाच्या तुलनेत 8.5 टक्क्यांनी वाढला आहे. याच कालावधीत महसूल (उत्पादन शुल्क वगळता) 17.2 टक्क्यांनी वाढून 3,146.6 कोटी झाला. डिसेंबर 2023 मध्ये संपलेल्या नऊ महिन्यांच्या कालावधीसाठी निव्वळ नफा मागील वर्षाच्या तुलनेत 46.8 टक्क्यांनी वाढून 4.2 कोटी झाला आणि महसूल 7.8 टक्क्यांनी वाढून 2,560.3 कोटी झाला.
नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.