देशातील दुसरी सर्वात मोठी कार निर्माता कंपनी ह्युंदई मोटर्स इंडिया (Hyundai Motors India) या वर्षी त्यांचा आयपीओ लाँच करू शकते, जो आजपर्यंतचा भारतातील सर्वात मोठा आयपीओ असेल. कंपनीचा 21000-25000 कोटीचा आयपीओ लॉन्च करण्याची योजना आहे. विशेष बाब म्हणजे हे 20 वर्षांनंतर होईल, जेव्हा एखादी कार उत्पादक कंपनी आपला आयपीओ लॉन्च करेल. याआधी मारुती सुझुकीचा आयपीओ 2003 मध्ये आला होता.

ह्युंदई 2.50 लाख कोटीचा आयपीओ आणत आहे आणि हा आयपीओ याचवर्षी 2024 मध्ये उघडू शकतो. हा संपूर्ण आयपीओ ओएफएसद्वारे म्हणजेच ऑफर फॉर सेलद्वारे केला जाईल. दक्षिण कोरियाची मूळ कंपनी ह्युंदई मोटर्स कंपनीतील 17.5% हिस्सा ओएफएसद्वारे विकणार आहे. भारतीय व्यवसायाच्या व्हॅल्यू अनलॉकिंगसाठी कंपनी आयपीओ आणत असल्याचे बोलले जात आहे.

आकाराची तुलना केल्यास ह्युंदईचा हा आयपीओ 21,000-25,000 कोटीचा सर्वात मोठा असेल. याआधी, फेब्रुवारी 2022 मध्ये एलआयसीने 21,008 कोटीचा आयपीओ आणला होता. त्याआधी, जुलै 2021 मध्ये पेटीएम 18,300 कोटीचा आयपीओ घेऊन आले होते. ऑगस्ट 2010 मध्ये, कोल इंडियाने 15,199 कोटीचा IPO लॉन्च केला होता. ऑगस्ट 2017 मध्ये, जीआयसीने 11,175 कोटीचा IPO आणला होता. रिपोर्ट्सचा विचार केल्यास या आयपीओमध्ये QIB कडे 50%, रिटेलमध्ये 35% आणि NII मध्ये 15% आयपीओ रिझर्व्हेशन असेल.

ह्युंदई मोटर्सने 1996 मध्ये भारतात काम सुरू केले. आर्थिक वर्ष 2024 मध्ये पीव्ही विक्रीच्या प्रमाणात ह्युंदई भारतातील दुसरी सर्वात मोठी कार निर्माता बनली आहे. त्याने भारतात सर्व विभागांमध्ये एकूण 13 वाहने लाँच केली आहेत. आता कंपनी भारतात ईव्ही आणि चार्जिंग स्टेशन लॉन्च करण्याची योजना आखत आहे.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.