Share Market Investment Tips (Marathi News): सोमवारी भारतीय शेअर बाजार तेजीसह बंद झाला. मागील ट्रेडिंग सत्रातील तोटा वसूल करत निफ्टी 22,600 च्या वर बंद झाला. व्यवहाराच्या शेवटी, सेन्सेक्स 941.12 अंकांच्या अर्थात 1.28 टक्क्यांच्या वाढीसह 74,671.28 वर बंद झाला. त्याच वेळी, निफ्टी 223.40 अंकांच्या म्हणजेच 1 टक्क्यांच्या वाढीसह 22,643.40 वर बंद झाला.

आज कशी असेल बाजाराची स्थिती?

आता निफ्टी 22,800-22,850 च्या दिशेने जाण्याची शक्यता असल्याचे एलकेपी सिक्युरिटीजचे रुपक डे म्हणाले. निफ्टीची वाढ कायम राहिली आणि तो मजबूत वाढीसह बंद झाला. निफ्टी 21 ईएमएच्या वर राहिला जो तेजीचा ट्रेंड चालू ठेवण्याचे संकेत आहे.

मोमेंटम इंडिकेटर आरएसआय तेजीचा क्रॉसओव्हर दाखवत आहे. निफ्टीला 22,550 वर सपोर्ट दिसत आहे. लवकरच आपण निफ्टी 22,800-22,850 च्या दिशेने जाताना पाहू शकतो.

निफ्टी 22,770 च्या दिशेने जाण्यासाठी तयार असल्याचे प्रोग्रेसिव्ह शेअर्सचे संचालक आदित्य गग्गर म्हणाले. आयसीआयसीआय आणि ॲक्सिस बँकेमुळे निर्देशांकात वाढ झाली. जसजसा दिवस पुढे सरकत गेला तसतसा पीएसयू बँकाही वाढीत सहभागी झाल्या.

व्यवहाराच्या सत्राअखेर निफ्टी 223.45 अंकांच्या वाढीसह 22,643.40 वर बंद झाला. निफ्टीने 22,600 वर त्याचा रझिस्टंस ओलांडला आहे आणि 22,770 च्या त्याच्या पूर्वीच्या उच्चांकाकडे वाटचाल करण्यासाठी सज्ज आहे, तर खालचा सपोर्ट आता 22,460 कडे सरकला आहे.

आजचे टॉप 10 शेअर्स कोणते?

• आयसीआयसीआय बँक (ICICIBANK)

• इंडसइंड बँक (INDUSINDBK)

• स्टेट बँक ऑफ इंडिया (SBIN)

• अल्ट्राटेक सिमेंट (ULTRACEMCO)

• ऍक्सिस बँक (AXISBANK)

• ए यू बँक (AUBANK)

• हिंदुस्थान पेट्रोलियम (HINDPETRO)

• इंडियन हॉटेल (INDHOTEL)

• एम फॅसिस (MPHASIS)

• फेडरल बँक (FEDERALBNK)

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.