Share Market Investment Tips (Marathi News): आज 9 एप्रिल 2024 खास असणार आहे. आज हिंदू नववर्षाची सुरुवात होत आहे. महाराष्ट्रात गुढीपाडव्याच्या सणाला खूप महत्त्व आहे. महाराष्ट्रात गुढीपाडवा मोठ्या थाटामाटात साजरा केला जातो. अशा स्थितीत गुढीपाडव्यानिमित्त मंगळवारी 9 एप्रिल रोजी शेअर बाजार सुरु राहणार आहे. काल बेंचमार्क निफ्टी 50 आणि सेन्सेक्स सोमवारी वाढीसह उघडले आणि नवीन विक्रमी उच्चांक गाठला.
जागतिक बाजारातील सकारात्मक संकेत आणि लार्जकॅप ऑटो शेअर्समध्ये वाढ आणि रिलायन्स इंडस्ट्रीजसारख्या काही इंडेक्स हेवीवेटने बाजारातील तेजीला चालना दिली. व्यवहाराच्या शेवटी, सेन्सेक्स 494.28 अंकांनी अर्थात 0.67 टक्क्यांनी वाढून 74,742.50 वर आणि निफ्टी 50 निर्देशांक 152.60 अंकांनी म्हणजेच 0.68 टक्क्यांनी वाढून 22,666.30 वर बंद झाला.
चांगल्या जागतिक संकेतांमुळे बाजाराने आठवड्याची जोरदार सुरुवात केली आणि 0.50 टक्क्यांहून अधिक वाढ केल्याचे रेलिगेअर ब्रोकिंग लिमिटेडचे अजित मिश्रा यांनी सांगितले. सुरुवातीच्या वाढीनंतर निफ्टी हळूहळू वाढत गेला.
पण, निवडक आघाडीच्या शेअर्समधील नफा-वसुलीमुळे, व्यापार सत्राच्या उत्तरार्धात गती थोडी मंदावली. ट्रेडिंग सत्राच्या शेवटी निफ्टी 0.7 टक्क्यांच्या वाढीसह 22,666.30 वर बंद झाला. या वाढीमध्ये बहुतांश क्षेत्रांचा वाटा आहे. ऑटो, एनर्जी आणि रियल्टी हे सर्वाधिक वाढले. अनेक दिवसांच्या चांगल्या कामगिरीनंतर, मिड आणि स्मॉल कॅप्सने सुटकेचा नि:श्वास टाकला आणि सपाट बंद झाले.
निफ्टीने आठवडाभर चाललेला कंसोलीडेशनचा टप्पा अखेर संपला असून बँकिंग निर्देशांकानेही अखेर नवीन विक्रम केला आहे. सर्व चांगली चिन्हे असूनही, मिश्र जागतिक संकेतांमुळे मधूनमधून करेक्शन दिसू शकतात. अशा स्थितीत व्यापाऱ्यांनी घसरणीत चांगल्या दर्जाचे शेअर्स खरेदी करण्याचा सल्ला त्यांनी दिला.
टाटा मोटर्स (TATAMOTORS)
इन्फोसिस (INFY)
अदानी पोर्ट्स् (ADANIPORTS)
डॉ. रेड्डी (DRREDDY)
बजाज फायनान्स(BAJFINANCE)
युनायटेड फॉस्फोरस लिमिटेड(UPL)
फेडरल बँक (FEDERALBNK)
इंडियन हॉटेल (INDHOTEL)
हिंदुस्थान पेट्रोलियम (HINDPETRO)
ए यू बँक (AUBANK)
नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा. किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.