Share Market Investment Tips: मंगळवारी सलग तिसऱ्या दिवशी सेन्सेक्स-निफ्टीमध्ये वाढ दिसून आली. निफ्टी 21,450 च्या पातळीवर बंद झाला. व्यवहाराच्या शेवटी, सेन्सेक्स 229.84 अंकांच्या अर्थात 0.32 टक्क्यांच्या वाढीसह 71,336.80 वर बंद झाला आणि निफ्टी 91.90 अंकांच्या म्हणजेच 0.43 टक्क्यांच्या वाढीसह 21,441.30 वर बंद झाला.

आज कशी असेल बाजाराची स्थिती?

भारतीय शेअर बाजाराने या छोट्या आठवड्याची सुरुवात मजबूत ट्रेंडने केली आणि जसजसा दिवस पुढे सरकत गेला त्याप्रमाणे इंडेक्समध्ये वाढ झाली आणि तो 91.95 अंकांच्या वाढीसह 21,441.35 वर बंद झाल्याचे प्रोग्रेसिव्ह शेअर्सचे संचालक आदित्य गग्गर यांनी सांगितले.

एनर्जी आणि मेटल शेअर्समधील तेजीचा बाजारावर चांगला परिणाम झाला. तर फार्मामध्येही चांगली वाढ झाली. शिवाय मीडिया आणि आयटी शेअर्समध्ये करेक्शन दिसून आले.

केमिकल शेअर्सनी त्यांची गमावलेली तेजी परत मिळवली आणि ते दिवसाचे स्टार परफॉर्मर्स राहिले. तर डिफेंस शेअर्सनी व्हॉल्यूममध्ये नवीन उच्चांक नोंदवून त्यांची तेजी आणखी मजबूत केली.

आरएसआयमधील छुप्या बुलिश डाइव्हर्जंसने आपली भूमिका चांगली बजावली आहे कारण निफ्टी 50 इंडेक्सने डेली चार्टवर बुलिश कँडल तयार केली आहे. तो 21,593 चा पूर्वीचा उच्चांक परत मिळवण्याची शक्यता आहे. निफ्टीला 21,370 वर सपोर्ट आहे तर 21,560 वर रझिस्टंस दिसत आहे.

आजचे टॉप 10 शेअर्स कोणते?

• डिव्हिस लॅब (DIVISLAB)

• हिरोमोटो कॉर्प (HEROMOTOCO)

• अदानी एन्टरप्रायझेस (ADANIENT)

• एनटीपीसी (NTPC)

• ओएनजीसी (ONGC)

• हिंदुस्थान पेट्रोलियम (HINDPETRO)

• भारत फोर्ज (BHARATFORG)

• व्होल्टास (VOLTAS)

• पीएफसी (PFC)

• अशोक लेलँड (ASHOKLEY)

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.