Kalpataru Projects: कल्पतरू प्रोजेक्ट्स इंटरनॅशनल लिमिटेडने (KPIL) नुकताच 52 आठवड्यांचा उच्चांक गाठला. हा शेअर तब्बल 8.17 टक्क्यांच्या वाढीसह 721.95 रुपयांवर गेला. नवीन ऑर्डर मिळाल्याने कल्पतरू प्रोजेक्ट इंटरनॅशनलच्या स्टॉकमध्ये प्रचंड वाढ झाली. या शेअर्सने 6 महिन्यात गुंतवणूकदारांना 30% पेक्षा जास्त परतावा दिला आहे.

कल्पतरू प्रोजेक्ट इंटरनॅशनलला देशांतर्गत आणि परदेशी बाजारात 2,263 कोटींचे नवीन करार मिळाले आहेत. शेअर बाजाराला दिलेल्या माहितीत कंपनीच्या ट्रान्समिशन आणि डिस्ट्रिब्युशन (T&D) व्यवसायाला भारत आणि परदेशी बाजारात एकूण 1,564 कोटीचे करार मिळाल्याची माहिती कंपनीने दिली.

कल्पतरू प्रोजेक्ट्स इंटरनॅशनल लिमिटेड ही पॉवर ट्रान्समिशन अँड डिस्ट्रीब्यूशन, ऑईल अँड गॅस, रेल्वे, इंफ्रास्ट्रक्चर डेव्हलपमेंट, सिविल काँट्रॅक्टिंगसह वेअरहाउस अँड लॉजिस्टिक्स व्यवसायात आहे. कंपनीच्या उत्पन्नात ट्रान्समिशन अँड डिस्ट्रीब्यूशन व्यवसायाचा मोठा वाटा आहे. कंपनी सध्या 30 हून अधिक देशांमध्ये प्रकल्पांवर काम करत आहे.

कल्पतरू प्रोजेक्ट्स इंटरनॅशनलच्या शेअर्सने त्यांच्या गुंतवणूकदारांना उत्कृष्ट परतावा दिला आहे. 6 महिन्यांत त्यांनी 32 टक्के परतावा दिला आहे. त्याच वेळी, एका महिन्यात या शेअरमध्ये 13 टक्के वाढ झाली आहे. 5 दिवसांत स्टॉक 10 टक्क्यांनी वाढला आहे. मात्र, या वर्षी आतापर्यंत शेअर 32 टक्क्यांनी वाढला आहे.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.