Samhi Hotels IPO: साम्ही होटल्स लिमिटेडचा (SAMHI Hotels Ltd) आयपीओ 14 सप्टेंबरला सबस्क्रिप्शनसाठी खुला होणा आहे. हा आयपीओ 1,350 कोटींचा आहे. कंपनीने आयपीओसाठी 119-126 रुपये प्रति शेअर प्राईस बँड निश्चित केली आहे.

हरियाणाच्या गुरुग्राममधील कंपनी साम्ही हॉटेल्सच्या आयपीओतून 1,200 कोटी रुपयांचे फ्रेश शेअर्स आणि 170 कोटी रुपयांपर्यंतचे शेअर्स ऑफर फॉर सेल (OFS) अंतर्गत ऑफर केले जातील.

या आयपीओमध्ये गुंतवणूकदार किमान 119 इक्विटी शेअर्स आणि त्याच्या पटीत बोली लावू शकतात. जेएम फायनान्शियल आणि कोटक महिंद्रा कॅपिटल कंपनी या इश्यूचे बुक रनिंग मॅनेजर आहेत, तर केफिन टेक्नॉलॉजीज हे रजिस्ट्रार आहेत. इक्विटी शेअर्स बीएसई आणि एनएसई या दोन्ही ठिकाणी लिस्ट केले जातील.

31 मार्च 2023 रोजी संपलेल्या आर्थिक वर्षात साम्ही हॉटेल्सचा नेट लॉस 338.59 कोटी होता. महसूल 761.43 कोटी होता. मार्च 2022 ला संपलेल्या आर्थिक वर्षात कंपनीचा नेट लॉस 443.25 कोटी होता, तर ऑपरेशन्समधून मिळणारा महसूल 333.10 कोटी होता.

31 मार्च 2023 पर्यंत कंपनी देशातील 14 शहरांमध्ये 31 हॉटेल्स चालवत आहे. कंपनीच्या हॉटेल्समध्ये बेंगळुरू, हैदराबाद, नॅशनल कॅपिटल रिजन (NCR), पुणे, चेन्नई, अहमदाबाद यांचा समावेश आहे. याशिवाय, कंपनीची कोलकाता आणि नवी मुंबई इथे एकूण 461 खोल्या असलेली 2 हॉटेल्स अंडर कंस्ट्रक्शन आहेत.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.