Share Market Closing Latest Update 6 September 2023: बुधवारी सलग चौथ्या दिवशी शेअर बाजार वाढीसह बंद झाला. बाजारातील प्रमुख निर्देशांक तेजीसह बंद झाले. BSE सेन्सेक्स 100 अंकांनी वाढून 65,880 वर बंद झाला. निफ्टीही 36 अंकांच्या वाढीसह 19,611 वर बंद झाला.

टाटा समूहाच्या शेअर्समध्ये मोठी वाढ

टाटा कंझ्युमरचे शेअर्स निफ्टीमध्ये 4 टक्क्यांच्या वाढीसह टॉप गेनर होते, तर टाटा स्टील सुमारे 2 टक्क्यांनी घसरून टॉप लूझर होता. याआधी भारतीय शेअर बाजार मंगळवारी सलग तिसऱ्या दिवशी वाढीसह बंद झाला. काल बीएसई सेन्सेक्स 152 अंकांनी वाढून 65780 वर बंद झाला.

क्षेत्रीय निर्देशांकांची स्थिती

आज एफएमसीजी निर्देशांकात एक टक्का वाढ झाली आहे. त्याचवेळी फार्मा, ऑइल अँड गॅस आणि पॉवर निर्देशांक 0.5 टक्क्यांच्या वाढीसह बंद झाले. दुसरीकडे मेटल, रिअल इस्टेट आणि बँक निर्देशांक 0.4-1 टक्क्यांच्या घसरणीसह बंद झाले. बीएसई मिडकॅप आणि स्मॉलकॅप निर्देशांक फ्लॅट नोटवर बंद झाले.

सेन्सेक्सवर 'या' शेअर्समध्ये तेजी

BSE सेन्सेक्सवर भारती एअरटेलचा शेअर सर्वाधिक 1.57 टक्क्यांच्या वाढीसह बंद झाला. याशिवाय टायटन, एचडीएफसी बँक, अल्ट्राटेक सिमेंट आणि आयटीसीचे शेअर्स प्रत्येकी एक टक्क्यांहून अधिक वाढीसह बंद झाले. याशिवाय सन फार्मा, बजाज फायनान्स, बजाज फिनसर्व्ह, हिंदुस्तान युनिलिव्हर लिमिटेड, कोटक महिंद्रा बँक, नेस्ले इंडिया आणि रिलायन्सचे शेअर्स वाढीसह बंद झाले.

सेन्सेक्सवर 'या' शेअर्समध्ये घसरण:

टाटा स्टील, अॅक्सिस बँक, एनटीपीसी, आयसीआयसीआय बँक, इंडसइंड बँक, टेक महिंद्रा, विप्रो, जेएसडब्ल्यू स्टील, एसबीआय, इन्फोसिस आणि टाटा मोटर्सचे शेअर्स सेन्सेक्सवर घसरणीसह बंद झाले.

गुंतवणूकदारांच्या संपत्तीत 72 हजार कोटींची वाढ झाली आहे

BSE वर सूचीबद्ध कंपन्यांचे एकूण बाजार भांडवल आज 6 सप्टेंबर रोजी 317.36 लाख कोटी रुपयांपर्यंत वाढले आहे, जे त्याच्या आधीच्या ट्रेडिंग दिवशी म्हणजे मंगळवारी, 5 सप्टेंबर रोजी 316.64 लाख कोटी रुपये होते.

अशाप्रकारे, बीएसईमध्ये सूचीबद्ध कंपन्यांचे मार्केट कॅप आज सुमारे 72 हजार कोटी रुपयांनी वाढले आहे. किंवा दुसऱ्या शब्दांत, गुंतवणूकदारांच्या संपत्तीत सुमारे 72 हजार कोटी रुपयांची वाढ झाली आहे.