शुक्रवारी शेअर बाजारात जोरदार वाढ झाली. बाजारातील प्रमुख निर्देशांक तेजीसह बंद झाले. BSE सेन्सेक्स 634 अंकांनी वाढून 63,782 वर पोहोचला. निफ्टीही 202 अंकांच्या वाढीसह 19,059 वर बंद झाला.
सरकारी बँकिंग, वाहन, वित्तीय, मीडिया, आयटी आणि रिअल्टी क्षेत्र बाजारात खरेदीमध्ये आघाडीवर होते. आज मारुती सुझुकीच्या निकालाने बाजाराला चांगली साथ दिली. याशिवाय जगभरातील अनेक शेअर बाजारांमध्येही चांगले संकेत मिळाले ज्यामुळे देशांतर्गत बाजारात खरेदी वाढली.
आज बाजारात सर्वच क्षेत्रांचे निर्देशांक तेजीसह बंद झाले. आजच्या व्यवहारात बँकिंग शेअर्समध्ये जोरदार खरेदी दिसून आली, ज्यामुळे बाजाराला मोठा आधार मिळाला. निफ्टी बँक 501 अंकांच्या किंवा 1.19 टक्क्यांच्या वाढीसह 42,782 अंकांवर बंद झाला.
एफएमसीजी शेअर्समधील खरेदीमुळे निफ्टी आयटी 1.24 टक्क्यांनी, निफ्टी ऑटो 1.35 टक्क्यांनी, निफ्टी एफएमसीजी 0.89 टक्क्यांच्या वाढीसह बंद झाले.
शेअर बाजारात तेजी असताना आज गुंतवणूकदारांवर पैशांचा पाऊस पडला. मागच्या ट्रेडिंग सत्रात म्हणजे 26 ऑक्टोबर 2023 रोजी, BSE वर सूचीबद्ध कंपन्यांचे एकूण मार्केट कॅप 306.04 लाख कोटी रुपये होते.
आज म्हणजेच 27 ऑक्टोबर 2023 रोजी ते वाढून 310.57 लाख कोटी रुपये झाले. याचा अर्थ आज गुंतवणूकदारांच्या भांडवलात 4.53 लाख कोटी रुपयांची वाढ झाली.
सेन्सेक्सवर 30 शेअर्स सूचीबद्ध आहेत, त्यापैकी 27 शेअर्स आज तेजीसह बंद झाले. एचसीएल, अॅक्सिस बँक आणि एसबीआयमध्ये तेजी होती. आज फक्त एशियन पेंट, अल्ट्राटेक सिमेंट आणि आयटीसी घसरणीसह बंद झाले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.