Share Market Investment Tips: सोमवारी बाजारात सलग दुसऱ्या दिवशी वाढ दिसून आली. निफ्टी 19150 च्या आसपास बंद झाला. व्यवहाराच्या शेवटी सेन्सेक्स 329.85 अंकांच्या अर्थात 0.52 टक्क्यांच्या वाढीसह 64112.65 वर बंद झाला. त्याच वेळी, निफ्टी 93.60 अंकांच्या म्हणजेच 0.49 टक्क्यांच्या वाढीसह 19140.90 वर बंद झाला.

आज कशी असेल बाजाराची स्थिती?

या आठवड्यात बाजाराची सुरुवात मंद गतीने झाल्याचे प्रोग्रेसिव्ह शेअर्सचे संचालक आदित्य गग्गर यांनी सांगितले. हेवीवेट रिलायन्स आणि इतर काही शेअर्समध्ये वाढ झाली आणि निफ्टीला वाढण्यास मदत केली. व्यवहाराच्या दुसऱ्या पार्टमध्ये बँकिंग शेअर्समध्येही तेजी दिसली.

सेक्टरल इंडेक्सबद्दल बोलायचे झाल्यास, रिऍल्टी हे सर्वोत्तम कामगिरी करणारे सेक्टर होते. त्यानंतर एनर्जी आणि फार्मा शेअर्समध्येही वाढ झाली. तर ऑटो आणि एफएमसीजीमध्ये कमजोरी होती. निफ्टीने डेली चार्टवर बुलिश कँडल तयार केली आहे. निफ्टी आता 19200-19250 कडे वाटचाल करत आहे. तर खाली 18940 वर सपोर्ट दिसत आहे.

आजचे टॉप 10 शेअर्स कोणते?

• बीपीसीएल (BPCL)

• अल्ट्राटेक सिमेंट (ULTRACEMCO)

• ओएनजीसी (ONGC)

• रिलायन्स (RELIANCE)

• एसबीआय लाईफ (SBILIFE)

• गोदरेज प्रॉपर्टीज (GODREJPROP)

• इंडियन हॉटेल (INDHOTEL)

• एमफॅसिस (MPHASIS)

• फेडरल बँक (FEDERALBNK)

• हिंदुस्थान पेट्रोलियम (HINDPETRO)

नोंद: क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.