Share Market Opening Latest Update 15 September 2023: शुक्रवारी शेअर बाजारात नवा विक्रम झाला. बाजारातील प्रमुख निर्देशांक विक्रमी पातळीवर उघडले. प्रथमच, BSE सेन्सेक्स 67,659 वर आणि NSE निफ्टी 20,156 वर उघडला. बाजारातील तेजीचा आज 11 वा दिवस आहे.

शेअर बाजारातील जोरदार वाढीमध्ये मेटल, ऑटो आणि आयटी शेअर्स आघाडीवर आहेत. बजाज ऑटो, विप्रो आणि हिंदाल्को यांचे शेअर्स निफ्टीमध्ये सर्वाधिक वाढले आहेत, तर एशियन पेंट्सचे शेअर्स सुमारे 1 टक्क्यांनी घसरले आहेत. याआधी गुरुवारी भारतीय बाजारात तेजीची नोंद झाली.

सेन्सेक्सवर 'या' शेअर्समध्ये तेजी

टाटा मोटर्सचे शेअर्स आज बीएसई सेन्सेक्समध्ये सर्वाधिक वाढीसह व्यवहार करत होते. त्याचप्रमाणे विप्रो, टाटा स्टील, एचडीएफसी बँक, महिंद्रा अँड महिंद्रा, जेएसडब्ल्यू स्टील, अचीलटेक, इन्फोसिस, टीसीएस, रिलायन्स इंडस्ट्रीज, आयसीआयसीआय बँक, सन फार्मा आणि लार्सन अँड टुब्रो यांचे शेअर्स तेजीसह व्यवहार करत होते.

निफ्टीवर 'या' शेअर्समध्ये घसरण

NSE निफ्टीवर, एशियन पेंट्स, हिंदुस्तान युनिलिव्हर, नेस्ले इंडिया, कोटक महिंद्रा बँक, अॅक्सिस बँक, भारती एअरटेल, टायटन, इंडसइंड बँक, आयटीसी आणि बजाज फिनसर्व्ह यांचे शेअर्स घसरणीसह व्यवहार करत होते.

NSE IX वर, गिफ्ट निफ्टी 12 अंकांच्या किंवा 0.06 टक्क्यांच्या वाढीसह 20,229.50 अंकांच्या पातळीवर व्यवहार करत होता. यामुळे शुक्रवारी दलाल स्ट्रीटची सुरुवात सकारात्मक होऊ शकते, असे संकेत मिळत होते.