Share Market Opening Latest Update 27 October 2023: आज शेअर बाजारात दिवसाची सुरुवात चांगली झाली आहे. बाजारातील प्रमुख निर्देशांक तेजीसह उघडले. BSE सेन्सेक्स सुमारे 300 अंकांच्या वाढीसह 63,400 च्या वर व्यवहार करत आहे.

निफ्टीनेही 70 अंकांची वाढ करत 18,900 चा टप्पा पार केला आहे. बँकिंग आणि मेटल क्षेत्रे बाजाराच्या वाढीमध्ये आघाडीवर आहेत. बजाज ऑटो, इन्फोसिस, हिंदाल्को हे निफ्टीमध्ये सर्वाधिक वाढले आहेत.

सेन्सेक्सच्या शेअर्सची स्थिती

बीएसई सेन्सेक्सच्या 30 शेअर्सपैकी 27 शेअर्स वाढीसह व्यवहार करताना दिसत आहेत आणि फक्त 3 शेअर्स व्यवहार करताना घसरणीसह दिसत आहे. यामध्ये एशियन पेंट्सचा शेअर केवळ 0.35 टक्क्यांनी घसरला आहे.

निफ्टीच्या शेअर्सची स्थिती

निफ्टीच्या 50 शेअर्सपैकी 47 शेअर्सनी वाढ नोंदवली आहे आणि 3 शेअर्स आज घसरणीसह व्यवहार करत आहेत. यामध्ये एशियन पेंट्स, आयटीसी आणि एचयूएलच्या शेअर्समध्ये घसरण पाहायला मिळत आहे.

मेहता इक्विटीजचे वरिष्ठ उपाध्यक्ष प्रशांत तपासे म्हणाले, शेअर बाजारात अल्पकालीन रिकव्हरीची आशा नाही कारण जागतिक आर्थिक वातावरण नकारात्मक आहे, तर इस्राइल आणि हमास यांच्यातील युद्ध सुरू आहे.

शुक्रवारी शेअर बाजाराच्या सुरुवातीच्या व्यवहारात, अदानी एंटरप्रायझेस, हिंदाल्को, कोल इंडिया आणि टाटा स्टीलच्या शेअर्समध्ये वाढ झाली तर डॉ रेड्डीज आणि एचयूएलच्या शेअर्समध्ये घसरण नोंदवली गेली. शुक्रवारी सुरुवातीच्या व्यवहारात, गौतम अदानी समूहाच्या सर्व नऊ सूचीबद्ध कंपन्यांच्या शेअर्समध्ये वाढ झाली.

27 ऑक्टोबर रोजी रिलायन्स इंडस्ट्रीज, मारुती सुझुकी, एसबीआय लाइफ इन्शुरन्स कंपनी, बजाज फिनसर्व्ह, भारत पेट्रोलियम कॉर्पोरेशन, सिप्ला, डॉ. रेड्डीज लॅबोरेटरीज, युनियन बँक ऑफ इंडिया, इंडियन हॉटेल्स, आयआरबी इन्फ्रास्ट्रक्चर डेव्हलपर्स, एम अँड एम फायनान्शियल सर्व्हिसेस, महिंद्रा लाईफस्पेस, ओबेरॉय रियल्टी, SBI कार्ड आणि उज्जीवन स्मॉल फायनान्स बँक 30 सप्टेंबर 2023 रोजी संपलेल्या तिमाहीसाठी त्यांचे निकाल जाहीर करणार आहेत.

28 ऑक्टोबर रोजी NTPC, IDFC फर्स्ट बँक, AU स्मॉल फायनान्स बँक, भारत इलेक्ट्रॉनिक्स, ग्रीनलॅम इंडस्ट्रीज, JBM ऑटो आणि मॅक्रोटेक डेव्हलपर्स 30 सप्टेंबर 2023 रोजी संपलेल्या तिमाहीसाठी त्यांचे निकाल जाहीर करणार आहेत. त्यामुळे या निकालांचा परिणाम शेअर बाजारावर दिसणार आहे.