Shri Balaji Valve Components IPO: श्री बालाजी व्हॉल्व्ह कंपोनेंट्सचा (Shri Balaji Valve Components) आयपीओ 27 डिसेंबरला उघडेल आणि 29 डिसेंबरला बंद होईल. त्यांच्या इनिशियल पब्लिक ऑफरसाठी 95-100 रुपयांचा प्राइस बँड निश्चित करण्यात आला आहे.

कंपनीच्या या आयपीओ अंतर्गत 21.6 लाख नवीन इक्विटी शेअर्स जारी केले जातील. प्राइस बँडच्या वरच्या स्तरावरुन, कंपनीचा आयपीओ मधून 21.60 कोटी उभारण्याचा मानस आहे.

इश्यूमधून उभारण्यात आलेला निधी अतिरिक्त प्लांट आणि मशीन्स उभारण्यासाठी, खेळत्या भांडवलाच्या गरजा पूर्ण करण्यासाठी आणि सामान्य कॉर्पोरेट हेतूंसाठी वापरला जाईल. इश्यूचे एकमेव बुक-रनिंग लीड मॅनेजर हेम सिक्युरिटीज लिमिटेड आहेत, तर बिगशेअर सर्व्हिसेस हे या आयपीओसाठीचे रजिस्ट्रार आहेत.

श्री बालाजी व्हॉल्व्ह कॉम्पोनंट्स लिमिटेड आयपीओची लॉट साइज 1,200 शेअर्स आहे. गुंतवणूकदार किमान 1,200 शेअर्ससाठी आणि त्याच्या पटीत बोली लावू शकतात. श्री बालाजी व्हॉल्व्ह कॉम्पोनंट्स लिमिटेड आयपीओसाठी अँकर गुंतवणूकदार मंगळवारपासून अर्थात 26 डिसेंबरपासून बोली लावू शकतात.

श्री बालाजी व्हॉल्व्ह कंपोनंट्स लिमिटेड आयपीओमधील 50% पेक्षा जास्त शेअर्स क्वालिफाईड इन्स्टिट्यूशनल बायर्ससाठी (QIBs) आरक्षित केले आहेत. 15% शेअर्स गैर-संस्थात्मक गुंतवणूकदारांसाठी (NIIs) आणि 35% शेअर किरकोळ गुंतवणूकदारांसाठी ऑफर केले आहेत. श्रीनिवास लक्ष्मीकांत कोले, माधुरी लक्ष्मीकांत कोले आणि लक्ष्मीकांत सदाशिव कोले हे कंपनीचे प्रमोटर्स आहेत.

नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.