Share Market Opening Latest Update 30 September 2024: शेअर बाजारात आज संथ गतीने व्यवहार सुरू झाले आहेत. सेन्सेक्स सुमारे 290 अंकांनी घसरला आणि 85,300 च्या वर उघडला. त्याचवेळी निफ्टीही 60 अंकांनी घसरून 26,100 च्या वर धावत होता. बँक निफ्टी 200 हून अधिक अंकांच्या घसरणीसह 53,600 वर उघडला.

हिरो मोटोकॉर्प, टेक महिंद्रा, इन्फोईज, आयसीआयसीआय बँक, नेस्ले इंडिया यांसारखे शेअर्स घसरले होते. मेटल इंडेक्समध्ये सुमारे 1.5%ची वाढ झाली.

अमेरिकन बाजारात तेजी

यूएस शेअर बाजारात तेजी आहे. ब्लू-चिप डाऊ जोन्स इंडस्ट्रियल ॲव्हरेज विक्रमी पातळीवर बंद झाला. कारण चलनवाढीच्या अहवालामुळे फेडरल रिझर्व्हच्या दर कपातीची अपेक्षा वाढली आहे. यामुळे स्मॉल-कॅप शेअर्सनाही चालना मिळाली आणि वॉल स्ट्रीटच्या तीन मुख्य निर्देशांकांत तेजी दिसून आली.

जपानच्या शेअर बाजारात घसरण दिसून आली. सत्ताधारी पक्षाने निवडणुकीनंतर मध्यवर्ती बँकेकडून आणखी व्याजदर वाढीची अपेक्षा व्यक्त केल्यानंतर सोमवारी जपानच्या बाजारात घसरण झाली.

आशियाई बाजारात विक्री

आजच्या व्यवहारात प्रमुख आशियाई बाजारांमध्ये विक्री दिसून येत आहे. GIFT NIFTY 0.28 टक्क्यांनी घसरत आहे. तर Nikkei मध्ये 4.87 टक्क्यांची घसरण दिसून येत आहे. स्ट्रेट टाइम्समध्ये 0.10 टक्के वाढ झाली आहे. तर हँग सेंग सुमारे 1.28 टक्क्यांनी मजबूत झाला आहे. कोस्पी सुमारे 1 टक्क्यांनी कमकुवत झाला आहे. तर शांघाय कंपोझिट 4.17 टक्के वाढ दर्शवत आहे.

गुंतवणूकदारांचा कल कसा आहे?

NSE वर उपलब्ध असलेल्या आकडेवारीनुसार, 27 सप्टेंबर 2024 रोजी, परदेशी पोर्टफोलिओ गुंतवणूकदार म्हणजे FII हे निव्वळ विक्रेते होते आणि त्यांनी 1209.10 कोटी रुपयांचे शेअर्स विकले. तर देशांतर्गत संस्थात्मक गुंतवणूकदार म्हणजेच DII हे निव्वळ खरेदीदार होते आणि त्यांनी 27 सप्टेंबर 2024 रोजी 6886.65  कोटी रुपयांचे शेअर्स खरेदी केले.

कोणते शेअर्स घसरले?

हिंदाल्को, एनटीपीसी, जेएसडब्ल्यू स्टील, टाटा स्टील आणि ब्रिटानिया हे शेअर्स निफ्टी 50 मध्ये व्यवहाराच्या सुरुवातीला सर्वाधिक वाढले. Hero MotoCorp, Tech Mahindra, Coal India, M&M आणि ICICI बँक हे शेअर्स निफ्टी 50 मध्ये घसरले आहेत.