कऱ्हाड (जि. सातारा) :  येथील शेती उत्पन्न बाजार समितीची स्वागत कमान पुन्हा वादाच्या भोवऱ्यात अडकत आहे. डिसेंबरमध्ये कमानीचे बांधकाम सुरू असताना ती कोसळली होती. त्यानंतर त्या कमान बांधकामाच्या चौकशीचा ससेमिरा सात महिन्यांपासून मागे आहे. कमानीवरून कऱ्हाड पालिकेत घमासान सुरू आहे. केवळ कारवाईअभावी प्रशासकीय दिरंगाईने रखडलेल्या कमानीसाठी जबाबदार असणाऱ्यांवर काय कारवाई होणार, याची उत्सुकता आहे. 

कमानीच्या बांधकामाच्या परवानगीचा ठरावच बोगस असल्याचा लोकशाही आघाडीचा आक्षेप आहे, शिवाय कमानीच्या बांधकामाला जिल्हाधिकारी, पालिकेची मनाई असताना ते बांधकाम रेटून झाले आहे. त्यामुळे त्यावर काहीच कारवाई झालेली नाही. बाजार समितीच्या कमानीचे बांधकाम थांबविण्याचा जिल्हाधिकाऱ्यांचा आदेश असतानाही बांधकाम पूर्ण झाल्याने त्या विरोधात पालिकेने काहीच कारवाई केली नाही. त्यामुळे ती कारवाई का रखडली, त्याचा जाब विचारून दोषींवर कारवाईसाठी लोकशाही आघाडी आक्रमक झाली आहे. बाजार समितीला नगरपालिकेने सात महिन्यांपूर्वी कमानीच्या बांधकामावरून गुन्हा का दाखल करू नये, अशी नोटीस दिली होती. अद्यापही त्यावर काहीच कारवाई केलेली नाही. मुळातच ती कमान बोगस ठरावाव्दारे आणल्याची भूमिका घेत लोकशाही आघाडीने त्या प्रकरणाची सखोल चौकशी करण्याचाही आग्रह धरला आहे. 

उदयनराजेंवर टीका करणाऱ्या संजय राऊतांचे राजेंना समर्थन!

बाजार समितीच्या स्वागत कमानीसह केबिन बांधण्यास परवानगी देणारा ठराव बोगस आहे, पालिकेच्या मासिक बैठकीत तो झालाच नसताना इतिवृत्तात कसा आला, याची सखोल चौकशी करण्याची मागणी लोकशाही आघाडीचे नेते सौरभ पाटील यांनी फेब्रुवारीच्या बैठकीतच केली होती. मात्र, सात महिन्यांपासून प्रशासकीय दिरंगाईमुळे इतिवृत्तातील घोळ कायम आहे. त्याशिवाय गटनेते सौरभ पाटील यांच्या बाजार समितीच्या कमानीच्या विषयाकडेही कोणी गांभीर्याने पाहिलेले नाही. मात्र, अधिकाऱ्यांच्या कारभारावर झालेल्या टीका आजही चौकशीच्या कक्षेत याव्यात, असा नगरसवेकांचा आग्रह कायम आहे. 

अनेक आजारांवर भारी, आवळा ठरतोय गुणकारी!

शेती उत्पन्न बाजार समितीला कमानीचे बांधकाम थांबवावे, असा आदेश जिल्हाधिकाऱ्यांनी पालिकेला दिला होता. तरीही बाजार समितीने रेटून कमानीचे बांधकाम केले. त्या विरोधात पालिकेने गुन्हा दाखल करण्याची अंतिम नोटीस दिली होती. तरीही झालेल्या बांधकामाला जबाबदार असणाऱ्यांसह कमानीच्या बांधकामाच्या ठरावाचा अहवाल कसा झाला, त्याची सखोल चौकशी होण्याचा आग्रह आहे. 

-सौरभ पाटील, गटनेते, लोकशाही आघाडी, कऱ्हाड 

संपादन : बाळकृष्ण मधाळे