मसूर (जि. सातारा) : पाडळी- हेळगाव (ता. कऱ्हाड) येथील ग्रामदैवत हेळजाई देवीची 30 व 31 डिसेंबर रोजी पारंपरिक पद्धतीने होणारी यात्रा रद्द करण्याचा निर्णय घेण्यात आला आहे. यात्रा समिती, ग्रामस्थ व ग्रामपंचायत यांची एकत्रित बैठक होऊन त्यात यंदाची वर्षीची यात्रा रद्द करण्यात आली. 

हेळजाई मंदिरात सर्व धार्मिक विधी मोजक्‍याच लोकांमध्ये सोशल डिस्टन्सिंगचे पालन करून साधेपणाने करण्याचे सर्वानुमते ठरविण्यात आले. कोरोनाच्या पार्श्वभूमीवर हा निर्णय घेण्यात आला आहे. नियमांचे पालन न करणाऱ्यांना दोन हजार रुपये दंड करण्याचा निर्णय यात्रा समिती, ग्रामपंचायत व ग्रामस्थांनी घेतला. सर्व नागरिकांनी सहकार्य करावे, असे आवाहन करण्यात आले आहे.

'गण गण गणात बोते'च्या जयघाेषात फलटण-शेगाव बससेवा सुरू

बाहेरील पै-पाहुणे - मित्रमंडळींना यात्रेचे आमंत्रण न देण्याचा निर्णय घेतला असून, बाहेरील लोकांनी पाडळी गावात येऊ नये, असेही आवाहन करण्यात आले आहे.

Edited By : Siddharth Latkar