कवठे (जि. सातारा) : वाई- खंडाळा- महाबळेश्वर मतदारसंघातील जलसंधारणाची, तसेच कवठे- केंजळ या योजनेसह मकरंद पाटील यांनी पाठपुरावा केलेली सर्व कामे पूर्ण करण्याची जबाबदारी माझी आहे. आचारसंहितेचे बंधन असल्याने आज याबाबत काही बोलता येत नाही; परंतु आचारसंहिता संपताच ही सर्व कामे निश्‍चितच पूर्ण केली जातील, अशी ग्वाही जलसंपदामंत्री जयंत पाटील यांनी दिली.
 
जोशीविहीर (ता. वाई) येथील आरती मंगल कार्यालयात ईशान्य मुंबईचे जिल्हाध्यक्ष धनंजय पिसाळ यांनी आयोजिलेल्या स्नेहमेळाव्यात ते बोलत होते. या वेळी आमदार मकरंद पाटील, मुंबईच्या महापालिकेच्या नगरसेविका भारती पिसाळ, जिल्हा परिषदेचे अध्यक्ष उदय कबुले, प्रतापराव पवार, शशिकांत पिसाळ, नितीन पाटील, प्रमोद शिंदे, महादेव मस्कर, दिलीप बाबर, शशिकांत पवार, अजित पिसाळ, आबासाहेब यादव, अतुल पिसाळ आदी उपस्थित होते.

चंद्रकांत पाटलांना आता विश्रांती गरज; जयंत पाटलांचा टाेला 
 
मंत्री पाटील म्हणाले, ""मी आज आमदार मकरंद पाटील यांच्यावर विश्‍वास ठेवणाऱ्या कार्यकर्त्यांना भेटण्यासाठी आलो आहे. लक्ष्मणराव पाटील यांच्या पावलावर पाऊल ठेवत मकरंद आबांनी या मतदारसंघात कामे सुरू केली आहेत. जिल्ह्याने राष्ट्रवादी कॉंग्रेसवर भरभरून प्रेम केले असून, त्याची उतराई होणे अशक्‍य असले, तरी विकासकामांच्या रूपातून आम्ही उतराई होण्याचा प्रयत्न करू.''

फास्टॅगच्या बंधनावर तासवडे, आनेवाडीत उसळणार विराेधाची लाट? 

या वेळी आमदार पाटील म्हणाले, ""मतदारसंघातील वाई, खंडाळा व महाबळेश्वर तालुक्‍यातील सिंचन प्रकल्प, कॅनॉल, सोळशी प्रकल्प आदी अनेक कामे तातडीने पूर्ण व्हावीत.'' धनंजय पिसाळ यांनी प्रास्ताविक केले. विठ्ठल माने यांनी सूत्रसंचालन केले. महादेव मस्कर यांनी आभार मानले.

गोंदवलेकर महाराज पुण्यतिथी उत्सवास प्रारंभ; भाविकांसाठी दाेन दिवस राहणार मंदिर बंद 

Edited By : Siddharth Latkar