पाटण - कोयना धरण पाणलोट क्षेत्रासह तालुक्याला मुसळधार पावसाने रात्रभर झोडपून काढले आहे. गेल्या १५ तासात कोयनानगर येथे १०१ मिलिमीटर, नवजा १०७ मिलीमीटर आणि महाबळेश्वरला उच्चांकी १३५ मिलिमीटर पावसाची नोंद झाली आहे.

धरणाच्या पाणीसाठ्यात १५ तासात २.८९ टीएमसीने भर पडली असून धरणाचा एकुण पाणीसाठा ७३.१८ टीएमसी झाला आहे. मुसळधार पावसामुळे जलाशयात प्रति सेकंद ४९६५४ हजार क्युसेक्स पाण्याची आवक होत असून सोमवारी सायंकाळी होणाऱ्या आवक पेक्षा १८ हजार क्युसेक्सने वाढ झाली आहे. मुसळधार पावसामुळे तालुक्यातील ओढे नाले भरून वाहत असुन कोयना, मोरणा, तारळी, केरा, उत्तर मांड व दक्षिण मांड नद्या दुथडी भरून वाहत आहेत.