कऱ्हाड : कऱ्हाडला सर्वजण गुण्यागोविंदाने राहत आहेत. इथल्या गोष्टीसाठी प्रतिनिधी व नागरिक सक्षम आहेत. आमदार नितेश राणे (Nitesh Rane) यांनी बाहेरून येऊन तेढ निर्माण करून भावना भडकवू नयेत. त्याबद्दल त्यांच्यावर कायदेशीर कारवाई करत पोलिसांनी गुन्हा दाखल करावा, अशी मागणी समता पर्वच्या पदाधिकाऱ्यांनी पत्रकाद्वारे केली.

पत्रकात म्हटले आहे, की आमदार नितेश राणे यांनी मुजावर कॉलनी (Mujawar Colony Blast) या ठिकाणी घडलेल्या स्फोटाबाबत घटनास्थळी भेट देऊन आपल्या अकलेचे तारे तोडून पीडित कुटुंबाबाबत चुकीचे विधान करून कऱ्हाड शहरातील नागरिकांच्या भावना दुखावल्या आहेत.

मुळात स्फोटाच्या घटनेमध्ये मृत्यू झालेला (कै.) शरीफ मुल्ला हा आरटीआय कार्यकर्ता व समाजहिताच्या प्रश्नावर आवाज उठवणारा कार्यकर्ता होता. त्यांनी कऱ्हाड शहरामध्ये प्रदूषण होणाऱ्या बाराडबरे परिसरातील कचरा डेपोबाबत व मोकाट कुत्र्यांबाबत आवाज उठवला होता. हे मुस्लिम कुटुंब सर्वधर्म समभावाने राहणारे होते. हे सर्व चळवळीतील नागरिकांना व जनतेला माहीत आहे.