सातारा : लग्नाचे आमिष दाखवून एका 50 वर्षीय महिलेकडून एक लाख रुपये घेऊन तिच्यावर दोघांनी अत्याचार केल्याची घटना उघडकीस आली आहे. याबाबतची तक्रार संबंधित महिलेने सातारा शहर पोलिस ठाण्यात दिली आहे. यावरून पोलिसांनी शंकर खरात, संकेत लोखंडे (दोघे रा. पिरवाडी, सातारा) यांच्यावर गुन्हा दाखल केला आहे.
 
याबाबत पोलिसांनी दिलेली अधिक माहिती अशी, पीडित महिला व संशयितांची 2013 मध्ये ओळख झाली. संबंधित पीडित महिला एकटीच राहात आहे. ती स्वतःच्या लग्नासाठी स्थळ शोधत होती. याची माहिती या दोघा संशयितांना मिळाल्यानंतर त्यांनी महिलेशी ओळख वाढवली. आम्ही तुमचे लग्न लावून देतो, यासाठी एक लाख रुपये खर्च येईल, असे त्यांनी या महिलेला सांगितले.

पीडित महिलेने एक लाखाची रक्कम संशयितांना दिली. पैसे दिल्यानंतर संशयित दोघे रात्री उशिरा महिलेच्या घरी गेले. लग्नासाठी फोटो पाहिजे, असे सांगून त्यांनी महिलेशी लगट करण्याचा प्रयत्न केला. या प्रकारामुळे संबंधित पीडित महिला घाबरली. संशयितांनी धमकी देऊन जबरदस्तीने तिच्यावर अत्याचार केला. ही घटना 2013 मध्ये घडली असून, असा प्रकार वारंवार होऊ लागल्यानंतर पीडित महिलेने गुरुवारी सातारा शहर पोलिस ठाण्यात धाव घेऊन तक्रार दिली.

विद्यार्थी कोरोनाबाधित आढळल्याने व्यवस्थापनाने आठ दिवस शाळा बंद ठेवण्याचा घेतला निर्णय़ 

चिलीम आणि कोंबडीचं रक्त दिलं की धावजी पाटील प्रसन्न होताे...! 

व्यापा-यांनाे! पुढील आदेश होईपर्यत रविवारचा आठवडा बाजार राहणार बंद

Edited By : Siddharth Latkar