सातारा : सदरबझार परिसरातील हॉटेल ग्रीनफिल्डमध्ये घुसून टोळक्‍याने व्यवस्थापकाला बेदम मारहाण केली आहे. या प्रकरणी दहा जणांवर गुन्हा दाखल करण्याची प्रक्रिया शहर पोलिस ठाण्यात सुरू होती. व्यवस्थापकाची प्रकृती गंभीर असून, त्याला उपचारासाठी खासगी रुग्णालयात दाखल करण्यात आले आहे.
 
याबाबत मिळालेल्या माहितीनुसार, वेचले (ता. सातारा) येथील एक युवक गेल्या काही दिवसांपासून हॉटेलमध्ये येऊन तेथेच बसून जेवण्याचा आग्रह करत होता. बऱ्याच वेळा तो पार्सलचे बिल न देताच निघून जात होता. बिल मागितल्याच्या रागातून दहा ते बारा जणांना घेऊन तो हॉटेलमध्ये आला. त्यांनी हॉटेलच्या मॅनेजरला बेदम मारहाण केली. या वेळी रॉडचा फटका लागून मॅनेजर गंभीर जखमी झाला. त्यानंतर टोळके तेथून पसार झाले.

पुरस्कारासाठी राजकीय पाठबळ हवे की, आणखी काय? मराठमोळ्या प्रियांकाचे मंत्र्यांना ट्‌विट  

घटनेची माहिती मिळताच शहर पोलिस ठाण्याचे कर्मचारी घटनास्थळी गेले. सीसीटीव्ही फुटेजच्या आधारे संशयितांचा शोध घेण्याचे काम सुरू करण्यात आले. हल्लेखोर व मारहाण झालेल्याची आधीपासूनच ओळख होती व किरकोळ कारणावरूनच ही मारहाण झाल्याचे पोलिस निरीक्षक अण्णासाहेब मांजरे यांनी सांगितले.

पृथ्वीराजबाबांचा अवमान कदापि खपवून घेणार नाही

जागतिक वारसास्थळी फुलांचा नजराणा यंदा होणार कैद?

Edited By : Siddharth Latkar