कऱ्हाड (जि. सातारा) ः प्लबिंगचे काम करणारी महिला कामगार म्हणून उज्ज्वला मोटे यांना "भला माणूस' पुरस्काराने सन्मानित करण्यात आले. 

येथील सामाजिक संघटना, मधुपर्व सामाजिक संस्था, वनश्री पर्यावरण विकास संस्था व संत नेताजी नाभिक विकास संस्थेतर्फे हा पुरस्कार देण्यात आला. संस्थेचे भानुदास मधुकर वास्के यांच्या वाढदिवसानिमित्त हा उपक्रम राबवण्यात आला. या वेळी मलकापूर नगरपालिकेचे बांधकाम विभागाचे सभापती राजेंद्र यादव, कऱ्हाड पालिकेच्या शिक्षण मंडळाच्या प्रशासन अधिकारी जमिला मुलाणी, दुकान व संस्था निरीक्षक अनिल पाटील, साई सेवा ट्रस्ट अध्यक्ष प्राणजित पाटील, प्रा. माणिक बनकर, संत नेताजी नाभिक विकास संस्थेचे अध्यक्ष युवराज काशीद, नाभिक महामंडळ अध्यक्ष संभाजी काशीद, शंभूराज पवार उपस्थित होते. 

सत्काराला उत्तर देतना उज्ज्वला मोट म्हणाल्या, ""काम करताना पुरस्काराची शाब्बासकीची थाप अत्यंत महत्त्वाची असते. त्यामुळे प्रोत्साहन मिळते.'' या वेळी सभापती राजेंद्र यादव, प्रशासन अधिकारी सौ. मुलाणी यांची भाषणे झाली. अर्जुन वास्के, प्रथमेश वास्के, गौरव पवार, आशुतोष पवार, सिद्धांत वास्के यांनी कार्यक्रमाचे नियोजन केले. 

संपादन ः संजय साळुंखे 

पुरस्कारासाठी राजकीय पाठबळ हवे की, आणखी काय? मराठमोळ्या प्रियांकाचे मंत्र्यांना ट्‌विट