सातारा : संगममाहुली येथील कृष्णा नदीपात्रातून वाळू चोरी करणाऱ्या पाच जणांना शहर पोलिसांनी अटक केली आहे. त्यांच्याकडून एक ट्रॅक्‍टर, ट्रॉली, चार मोबाईल व वाळू असा पाच लाख 22 हजार रुपयांचा ऐवज जप्त केला आहे. 

सूरज सर्जेराव कोळपे (वय 28, रा. क्षेत्रमाहुली, ता. सातारा), बाळू अण्णा माने (वय 50, रा. लक्ष्मीटेकडी), शामराव शिवाजी कोळपे (वय 35, रा. क्षेत्रमाहुली), रमेश आत्माराम शिंदे (वय 35, रा. लक्ष्मीटेकडी), अमोल महादेव कांबळे (वय 37, रा. महागाव, ता. सातारा) अशी अटक केलेल्यांची नावे आहेत. संगममाहुली पुलाच्या खाली कृष्णा नदीपात्रात चोरून वाळू उपसा सुरू असल्याची माहिती पोलिसांना मिळाली होती. त्यानंतर पोलिसांनी छापा टाकून पाच जणांवर गुन्हा दाखल केला. त्यांना दोन दिवसांची पोलिस कोठडी देण्यात आली आहे. हवालदार राहुल दळवी तपास करत आहेत. 

सौंदर्यात भर! मराठा साम्राज्याच्या राजधानीत होणार पाच Selfi Point; राजवाड्यात शिल्पसृष्टीचाही पालिकेचा मानस

राष्ट्रवादीच्या कार्यकर्त्यांवरील गुन्हे त्वरित मागे घ्या; आमदार शिंदेंची पोलिस अधीक्षकांकडे मागणी

मंद्रुळकोळेत आगीत सहा जनावरे होरपळली; दोन शेडसह गंजी जळून खाक 

संपादन : बाळकृष्ण मधाळे