खंडाळा (जि. सातारा) : कोरोनाचा शिरवळमध्ये वाढता प्रादुर्भाव रोखण्यासाठी सोमवारपासून सात दिवस शिरवळ बंद ठेवण्याचा निर्णय सर्वानुमते घेण्यात आला आहे. रविवारी दिवसभर शिरवळ शहरातील कोरोनाबाधिताच्या संपर्कात आलेल्या नागरिकांचे आरोग्य विभागाकडून सर्वेक्षण करण्यात आले. यावेळी सायंकाळी उशिरापर्यंत 65 जणांना शिरवळ येथील विलगीकरण कक्षात ठेवण्यात आले. तर त्यानंतर सायंकाळी उशिरापर्यंत संशयित रुग्णाच्या जवळच्या संपर्कातील व्यक्तीचा शोध घेण्याचे काम सुरू होते.
शिरवळ शहरातील कोरोनाबाधित सापडलेल्या तिघांपैकी दोघांना सातारा येथे तर एकास वाई येथे ठेवण्यात आले आहे. यामधील एकास श्वसन विकाराचा त्रास जाणवू लागला होता. या दोघांनी पुणे येथून ये-जा केले होते, असे सांगण्यात आले.
गेले दहा दिवस एकही कोरोनाग्रस्त रुग्ण न सापडल्याने तालुक्‍यातील जनतेने सुटकेचा नि:श्‍वास सोडला होता. मात्र, गेल्या दोन दिवसांत पाच जण कोरोनाबाधित आढळल्याने पुन्हा एकदा प्रशासनासह नागरिकांच्या मनात धडकी भरली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.