सातारा : समाज व राज्यकर्त्यांना योग्य दिशा दाखविण्याचे काम माध्यमे करत असून यापुढेही माध्यमांनी असेच काम करावे, अशी अपेक्षा उच्च व तंत्रशिक्षण मंत्री चंद्रकांत पाटील यांनी व्यक्त केली.

भिलार या पुस्तकांच्या गावात आयोजित डिजिटल मीडिया संपादक-पत्रकार संघटनेच्या पहिल्या राज्यस्तरीय अधिवेशनाचे उद्‌घाटन पाटील यांच्या हस्ते झाले. यावेळी पालकमंत्री शंभुराज देसाई, शालेय शिक्षणमंत्री दीपक केसरकर, खासदार श्रीनिवास पाटील, जिल्हाधिकारी रुचेश जयवंशी, डिजिटल मीडिया संपादक पत्रकार संघटनेचे अध्यक्ष राजा माने आदी उपस्थित होते.

मुख्यमंत्री एकनाथ शिंदे यांनीही या अधिवेशनासाठी शुभेच्छासंदेश पाठविला होता. त्यात त्यांनी म्हटले की डिजिटल मीडिया कोणतीही बातमी क्षणात लोकांपर्यंत पोचवीत आहे. ग्रामीण व शहरी भाग डिजिटल मीडियाशी जोडला आहे.

माहिती पोचविण्याच्या स्पर्धात्मक युगात डिजिटल मीडियाने विश्वासार्हता निर्माण करावी. या माध्यमांतील पत्रकारांच्या समस्या सोडविण्यासाठी सकारात्मक निर्णय घेण्याचे आश्वासनही मुख्यमंत्र्यांनी दिले.