सातारा : मतदारसंघाचे नेतृत्व करत असताना येथील जनतेशी माझे अतूट असे नाते निर्माण झाले आहे. विकासकामांच्या माध्यमातून मी गावागावांत आणि घराघरांत पोचलो आहे. प्रत्येकाच्या सुख-दुःखात मी सहभागी होतो.
मी कायम जनतेच्या सोबत असून, जनतेची सेवा करणे हेच माझे कर्तव्य आहे. मतदारसंघातील जनतेचे प्रेम हीच माझी शक्ती असून, या शक्तीमुळेच माझा विक्रमी विजय होईल, असा विश्वास आमदार शिवेंद्रसिंहराजे भोसले यांनी व्यक्त केला.
म्हसवे परिसरातील विविध गावांमध्ये महायुतीचे उमेदवार म्‍हणून शिवेंद्रसिंहराजे भोसले यांचा गावभेट प्रचार दौरा झाला. त्‍या वेळी ते बोलत होते. यावेळी जिल्हा परिषदेचे माजी उपाध्यक्ष वसंतराव मानकुमरे, माजी सभापती अरुणा शिर्के, माजी उपसभापती सौरभ शिंदे, शिवसेनेचे एकनाथ ओंबळे, संदीप परामणे यांच्यासह महायुतीतील सर्व घटक पक्षांचे पदाधिकारी, आजी- माजी पदाधिकारी, कार्यकर्ते आणि ग्रामस्थ उपस्थित होते.
शिवेंद्रसिंहराजेंनी प्रत्येक गावात जाऊन ग्रामस्थांशी संवाद साधला. झालेली विकासकामे, होऊ घातलेली विकासकामे आणि पुढे करावयाची विकासकामे याबद्दल त्यांनी ग्रामस्थांशी चर्चा केली. तालुक्यातील एकही गाव विकासापासून वंचित राहिलेले नाही. प्रत्येक गावात कोट्यवधींची विकासकामे मार्गी लावली आहेत.
जनतेच्या समस्या सोडवतो, याचे मला समाधान आहे. ही कामं कोण करतंय, हे जावळीकरांना चांगलंच माहिती आहे. त्यामुळे विरोधी उमेदवाराच्या बिनबुडाच्या आरोपांना, फेकाफेकीला माझ्यावर प्रेम करणारी जावळीतील जनता कदापि भीक घालणार नाही. माझे आणि जावळीकरांचे अतूट नाते असून, सर्वांनी मतदानरूपी आशीर्वाद देऊन मला विक्रमी मतांनी विजयी करावे, असे आवाहनही त्यांनी केले.
#ElectionWithSakal
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.