सातारा लोकसभा जागा ही देशातील ५४३ लोकसभा आणि महाराष्ट्रातील ४८ लोकसभा जागांपैकी एक आहे. लोकसभा निवडणुकीच्या तिसऱ्या टप्प्यात ७ मे रोजी येथे मतदान झाले. सातारा मतदारसंघात ५४.७४ टक्के मतदारांनी मतदानाचा हक्क बजावला. या लोकसभा मतदारसंघातून १६ उमेदवार रिंगणात होते, मात्र मुख्य लढत राष्ट्रवादी काँग्रेस (शरद पवार गट) आणि भारतीय जनता पक्ष यांच्यात आहे. आज दोन्ही उमेदवारांचे भवितव्याचा फैसला होणार आहे.
शरद पवार गटाच्या राष्ट्रवादी काँग्रेसने शशिकांत शिंदे यांना उमेदवारी दिली, तर भाजपने उदयनराजे प्रतापसिंह भोसले यांना संधी दिली. उदयनराजे प्रतापसिंह भोसले हे शिवाजी महाराजांचे १३ वे वंशज आहेत. पहिल्या फेरीनंतर शरद पवार गटाचा राष्ट्रवादी ने २३९ मतांनी आघाडी घेतली. त्यानंतर थोडी रस्सीखेंच सुरु होती. मात्र ११,१२ व्या फेरीनंतर मोठा फरक पडला आहे.
शशिकांत शिंदे ११ व्या फेरी अखेर ६१ हजार मतांनी आघाडीवर होते. तर आता १२व्या फेरी अखेर ८६ हजार मतांनी शशिकांत शिंदे आघाडीवर आहेत. त्यामुळे भाजपसाठी ही धोक्याची घंटा आहे.
उदयनराजे प्रतापसिंह भोसले यांच्या उमेदवारीसाठी मोठा उशीर झाला होता. उमेदवारीसाठी उदयनराजे यांनी दिल्लीत मुक्काम ठोकला होता. तर शरद पवार यांनी शशिकांत शिंदेंना उमेदवारी देत मोठा डाव खेळला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.