कऱ्हाड (जि. सातारा) : तांबवेतील (tambave) कोयना नदीपात्रात (koyna river) सापडलेले जिवंत लष्करी हॅंड ग्रेनेड (hand grained bomb) हे लष्करात 1961 रोजी तयार झालेले होते. त्याच्या तपासासाठी पोलिसांनी लष्कराशी संपर्क साधून ते कधी, कोणाला वाटप केले आहेत याची माहिती मागवली. लष्कराने (army) त्याचे रेकॉर्ड उपलब्ध नसल्याचे लेखी कळवले आहे, अशी माहिती तालुका पोलिस निरीक्षक बाळासाहेब भरणे यांनी दिली. त्यामुळे आता तपासाची शक्‍यता धुसर झाली आहे. (satara-marathi-news-tambave-koyna-river-bomb-karad)

तांबवेतील कोयना नदीच्या पुलाखाली मासेमाऱ्यांना तीन जीवंत लष्करी हॅंड ग्रेनेड सापडले होते. त्याचा पोलिस आणि दहशतवाद विरोधी पथक तपास करत होते. हॅंड ग्रेनेड लष्करी फॅक्‍टरी बनावटीचे असल्याचे स्पष्ट झाल्यानंतर त्याचा तपास करण्याचे आव्हान होते. तालुका पोलिसांनी लष्कराच्या दारूगोळा निर्मिती कारखान्याशी संपर्क साधून या ग्रेनेड संदर्भात विचारणा केली. त्यामध्ये हॅंड ग्रेनेड निर्मितीच्या बॅच नंबरनुसार ते 1961 रोजी तयार झाल्याची माहिती समोर आली होती.

लष्कराकडून आता संबंधित ग्रेनेड कोणाला, कशासाठी वितरण केले आहेत याची माहिती घेण्याचे काम पोलिसांनी सुरू केले होते. त्याचबरोबर ज्या प्लॅस्टिकच्या पिशवीत हॅंड ग्रेनेड सापडली होती. त्या पिशवीवरील दुकानाच्या नावावरून एटीएस आणि पोलिसांनी मुंबईतील घाटकोपरमध्ये जाऊन त्या कपड्याच्या दुकानाचा शोध घेतला. मात्र, ठोस माहिती मिळाली नाही. दरम्यान पोलिसांनी त्यासंदर्भातील माहिती लष्कराकडे मागितली होती. त्यावर लष्करातील अधिकाऱ्यांनी संबंधित हॅंड ग्रेनेड 1967-68 रोजी लष्कराच्या रेकॉर्डवरून कमी झाले आहेत. ते ज्यांना वापरायला दिले जातात ते हवालदार दर्जाचे जवान असतात. मात्र ते कोणाला आणि कधी दिले याची माहितीच नसल्याचे लेखी दिल्याचे पोलिस निरीक्षक भरणे यांनी सांगितले. दरम्यान लष्कराच्या या माहितीमुळे आता तपासाची शक्‍यता धुसर झाली आहे.

प्लॅस्टिक पिशवीचा मुंबईत तपास

कोयना नदीपात्रात प्लॅस्टिकच्या पिशवीत हॅंड ग्रेनेड सापडली होती. त्या पिशवीवरील दुकानाच्या नावावरून एटीएस आणि पोलिसांनी मुंबईतील घाटकोपरमध्ये जाऊन त्या कपड्याच्या दुकानाचा शोध घेतला. दुकानदाराकडे प्राथमिक चौकशी करण्यात आली; परंतु त्याच्याकडून ठोस माहिती मिळू शकली नसल्याचे पोलिसांनी सांगितले.

ब्लाॅग वाचा