सातारा : सातारा पालिकेच्या अतिक्रमण हटाव पथकाने आज आरटीओ कार्यालयाजवळील रस्त्यावर असणाऱ्या बारा टपऱ्या हटविल्या. टपऱ्या हटवित असतानाच या पथकाने मंगळवारी सातारा पालिकेच्या परिसरातील अतिक्रमणे हटविणार असल्याची माहिती दिली.
साताऱ्याच्या विविध भागातील रस्त्यांलगत गेल्या काही दिवसांपासून मोठ्या प्रमाणात टपऱ्यांची अतिक्रमणे वाढली आहेत. या अतिक्रमणांमुळे वाहतुकीची कोंडी होण्याबरोबरच अनेक गैरप्रकार वाढीस लागले होते. यामुळे ती हटविण्याची मागणी नागरिकांकडून पालिकेकडे करण्यात आली होती. यानुसार आज पालिकेच्या अतिक्रमण हटाव पथकाने जेसीबी, डंपरच्या मदतीने सकाळी आरटीओ परिसरातील बारा टपऱ्या हटविल्या.
या टपऱ्या हटविल्यानंतर त्याठिकाणी सफाई पालिका कर्मचाऱ्यांनी केली. पालिकेच्या वतीने मंगळवारी शाहू चौक, पालिका कार्यालय, शाही मस्जिद तसेच इतर प्रमुख मार्गांवरील टपऱ्या हटविण्यात येणार असल्याचे सांगण्यात आले. वर्दळीच्या रस्त्यावरील अतीक्रमणे हटल्याने या मार्गावरील वाहतुकीची कोंडी कमी झाली होती.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.