सातारा - शहापूर योजनेला वीजपुरवठा करणाऱ्या शेंद्रे सबस्‍टेशन येथे बिघाड झाल्‍याने त्‍याठिकाणचा वीजपुरवठा बंद राहणार आहे. यामुळे शहापूर योजनेवरील भागातील सकाळ आणि दुपारच्‍या सत्रातील पाणीपुरवठा उद्या (मंगळवार) व बुधवारी (ता. तीन) असे दोन दिवस बंद राहणार आहे.
वीजवाहिनीत झालेला बिघाड दूर करण्‍याचे काम वीज वितरणच्‍या माध्‍यमातून उद्या (मंगळवार) हाती घेण्‍यात येणार आहे. यामुळे शहापूर योजनेचा वीजपुरवठा बंद राहणार असल्‍याने त्‍याठिकणचा पाणीउपसा बंद राहणार आहे. दुरुस्‍तीच्‍या कामासाठी आठ तास लागणार असल्‍याने यशवंत गार्डन टाकीत अपेक्षित पाणीसाठवण होऊ शकणार नाही. यामुळे या टाकीवरील भागातील दुपारच्‍या सत्रातील पाणीपुरवठा बंद राहणार आहे.
बुधवारी (ता. तीन) सकाळच्‍या सत्रात शहापूर योजनेवरील गुरुवार, गणेश टाकी, यशवंत टाकी, घोरपडे टाकी, राजवाडा टाकी, बुधवार नाका टाकी, या टाक्‍यांमध्‍ये अपेक्षित पाणीसाठा होण्‍यात अडचणी येणार आहेत. यामुळे या टाक्‍यांवर आधारित भागात सकाळच्‍या सत्रात कमी दाबाने अथवा न होण्‍याची शक्‍यता आहे.
शहापूर योजनेवरील शहरातील भागातील नागरिकांनी उपलब्‍ध पाण्‍याचा काटकसरीने वापर करावा.
- अभिजित बापट, मुख्‍याधिकारी
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.