दहिवडी (सातारा) : रात्री दीड वाजण्याच्या सुमारास दहिवडीजवळ (Dahiwadi) झालेल्या स्विफ्ट कार (Swift car) व ट्रकच्या भीषण अपघातात दहिवडीतील दोघे जागीच ठार झाले, तर एक गंभीर जखमी झाला आहे.

याबाबतची माहिती अशी, दहिवडीतील पियुष शैलेंद्र खरात (वय 22), स्वयंम सुशिल खरात (वय 16) व अक्षय दीपक खरात हे तिघेजण रात्री दीड वाजण्याच्या सुमारास स्विफ्ट कारमधून फलटण बाजूकडून दहिवडीला येत होते, तर त्याचवेळी एक ट्रक दहिवडी बाजूकडून फलटणच्या दिशेने चालला होता.

दहिवडी-फलटण रस्त्यावरील हिंदुस्थान पेट्रोलियम पंपासमोरील (Hindustan Petroleum Pump) वळणावर या दोन्ही गाड्यांचा समोरासमोर भीषण अपघात झाला. या अपघातात पियुष व स्वयंम हे जागीच ठार झाले, तर अक्षय गंभीर जखमी झाला आहे.