कऱ्हाड - येथील कोयना नदीवरील (Koyana River) ब्रिटिशकालीन जुन्या पुलावरून एका मुलीने (Girl) काल रात्री उशिरा उडी (Jump) मारली. पुलावरून दुचाकीवरून जाणाऱ्यांच्या ही बाब लक्षात आल्यावर त्यांनी तेथे गर्दी केली. दरम्यान, गारवडे येथील एक युवक कामावरून घरी जाताना तोही तेथे थांबला. त्याने येथील एका युवकाने (Youth) नदीपात्रात उतरून संबंधित मुलीला नदीतून बाहेर काढून तिचा जीव (Life Saving) वाचवला.

वारुंजी परिसरातील एका मुलीने ब्रिटिशकालीन जुन्या कोयना पुलावरून नदीत उडी मारली. रात्रीचा अंधार असल्याने मुलगी सापडेल की नाही याबाबत साशंकता होती. मात्र, दोन जिगरबाज युवकांनी क्षणाचाही विचार न करता नदीत उतरून त्या मुलीला बाहेर काढले. दरम्यान, नागरिकांच्या मदतीने संबंधित मुलीला उपचारासाठी येथील वेणूताई चव्हाण उपजिल्हा रुग्णालयात दाखल करण्यात आल्याचे पोलिसांनी सांगितले. दरम्यान, पोलिसांना ही माहिती मिळाल्यावर पोलिसांनी घटनास्थळी धाव घेतली. संबंधित मुलीने नेमकी नदीत उडी का मारली याचे कारण समजू शकले नसल्याचे पोलिसांनी सांगितले.