शिरवडे (जि. सातारा) : वेळेत रुग्णवाहिका न आल्याने नडशी (ता. कऱ्हाड) येथील महिलेची खासगी वाहनातच प्रसूती झाली. त्यातच प्रसूतीनंतर उपजिल्हा रुग्णालयात दाखल करून घेण्यास विलंब झाला. त्यावरून आरोग्य यंत्रणेचा कारभार चव्हाट्यावर आला आहे.
नडशीत विवाहिता माहेरी वास्तव्यास आहे. संबंधित महिलेला पहाटे तीनच्या सुमारास प्रसवकळा सुरू झाल्या. त्यामुळे नातेवाइकांनी 108 क्रमांकावर रुग्णवाहिकेसाठी संपर्क साधला; परंतु पहाटे साडेपाचपर्यंत रुग्णवाहिका आलीच नाही. महिलेला वेदना असह्य झाल्याने नातेवाइकांनी गावातील वाहनातून महिलेला रुग्णालयात हलवले. दरम्यान, गावापासून थोड्या अंतरावर गेल्यानंतर महिलेची गाडीतच प्रसूती झाली.
त्यानंतर पुढील उपचारासाठी त्या महिलेला कऱ्हाड उपजिल्हा रुग्णालयात नेण्यात आले. रुग्णाला तातडीने उपचाराची आवश्‍यकता असताना तेथेही त्या महिलेला दाखल करण्यात रुग्णालय प्रशासनाने हलगर्जीपणा केला. त्यामुळे नातेवाईक संतप्त झाले. त्यानंतर महिलेला उपचारासाठी दाखल करून घेण्यात आले. या घटनेबाबत नडशी व परिसरातून संताप व्यक्त होत आहे. दरम्यान, प्रशासनाच्या या संतापजनक कारभारामुळे मोठा अनर्थ घडण्याची शक्यताही नाकारता येत नव्हती. हा असाच प्रकार यापुढे सुरु राहिला तर हकनाक जीव जाण्याची शक्यता नाकारता येत नाही.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.