AI Hanooman :

AI च्या जगात नवीन नावे सतत ऍड होत आहेत. अल्पावधीतच AI चे जाळे जगभर पसरले आहे. या टेक्नॉलॉजीच्या मार्केटमध्ये भारतीय बनावटीचे Hanooman AI लाँच करण्यात आले आहे. ज्यामध्ये प्रत्येकजण प्रवेश करू शकतो.

Hanooman AI हा प्लॅटफॉर्म अबू धाबी स्थित AI इन्वेस्टमेंट फर्म 3AI होल्डिंग लिमिटेड आणि स्वदेशी कंपनी SML (सीता महालक्ष्मी हेल्थकेअर) यांनी विकसित केले आहे.

Hanooman AI ने पहिल्या वर्षात 20 कोटी वापरकर्त्यांपर्यंत पोहोचण्याचे लक्ष्य ठेवले आहे. कंपनीला भारतात जनरेटिव्ह एआय इकोसिस्टम तयार करायची आहे. हनुमान AI ला भारतात स्थानिक भाषा आणि सामाजिक विविधतेसाठी काम करायचे आहे.

सध्या Hanooman AI मोफत आहे. तुम्हाला बेसिक व्हर्जन विनामूल्य मिळेल. कंपनी लवकरच त्याचे प्रीमियम व्हर्जन देखील लॉन्च करणार आहे. जे अनेक अडव्हान्स फिचरसह असणार आहे. हे अडव्हान्स फिचर कंपनी 2024 च्या शेवटी लॉन्च करू शकते. तुम्ही ते वेब आणि मोबाईल प्लॅटफॉर्मवर ॲक्सेस करू शकता.

अँड्रॉईड वापरकर्ते त्याचे मोबाइल ॲप देखील डाउनलोड करू शकतात. हे ॲप गुगल प्ले स्टोअरवर डाउनलोड करण्यासाठी उपलब्ध आहे. तर iOS वापरकर्त्यांना हनुमान AI च्या ॲपची प्रतीक्षा करावी लागेल.

तुम्ही त्याचे वेब व्हर्जन कोणत्याही प्लॅटफॉर्मवर वापरू शकता. ते डाऊनलोड केल्यानंतर, तुम्हाला एक अकाऊंट तयार करावे लागेल. यासाठी तुम्ही तुमचा मोबाईल नंबर किंवा गुगल अकाउंट वापरू शकता. अकाऊंट तयार केल्यानंतर तुम्ही Hanooman AI ॲपवरून अनेक प्रश्न विचारू शकता.

हनुमान AI मध्ये तुम्हाला अनेक फीचर्स मिळतात. सर्वात चांगली गोष्ट म्हणजे त्याचे अनेक भाषेवर असलेलं प्रभुत्व. या प्लॅटफॉर्मवर 98 भाषा फिड केलेल्या आहेत, त्यापैकी 12 भारतीय भाषा आहेत. या फिचरमुळे ते कम्युनिकेशनचे शक्तिशाली साधन बनते.

याशिवाय तुम्ही हनुमान AI चा वापर कंटेंट क्रिएशनमध्ये करू शकता. त्याच्या मदतीने तुम्ही मजकूर सहज लिहू शकता. हे AI टूल तुमच्याशी बोलूही शकते. तुम्ही व्हर्च्युअल असिस्टंट म्हणूनही वापरू शकता.