टेलिकॉम कंपनी एअरटेलने युजर्ससाठी दोन नवीन प्रीपेड प्लॅन लाँच केले आहेत. नवीन प्लॅन 519 रुपये आणि 779 रुपये किंमतीचे आहेत .यामध्ये 90 दिवसांपर्यंतची वैधता ऑफर केली जात आहे. या प्लॅन्ससह, कंपनी वापरकर्त्यांना दररोज 1.5 GB नुसार 135 GB पर्यंत डेटा अमर्यादित कॉलिंग देत आहे. नवीन प्लॅनमध्ये तुम्हाला अनेक इतर बेनिफिट्स देखील मिळतील.चला तर मग जाणून घेऊया एअरटेलच्या या प्लॅन्समध्ये काय खास आहे.

एअरटेलचा हा प्लॅन 60 दिवसांच्या वैधतेसह येतो, जो एअरटेलच्या 519 रुपयांच्या प्लॅनमध्ये उपलब्ध आहे .या प्लॅनमध्ये तुम्हाला इंटरनेट वापरासाठी 1.5 GB डेटा मिळेल .प्लॅनचे सदस्य देशभरातील कोणत्याही नेटवर्कवर अमर्यादित कॉलिंग देखील करू शकतात. या नवीन प्लॅनमध्ये कंपनी दररोज 100 मोफत एसएमएस देखील देत आहे. हा प्लॅन अनेक इतर बेनिफिट्ससह येतो .यामध्ये, तुम्हाला अपोलो सर्कल 24x7 सह विंक म्युझिकचा फ्री एक्सेस देखील मिळेल. कंपनी या प्लॅनच्या ग्राहकांना फास्टॅगवर 100 रुपयांचा कॅशबॅक देखील देत आहे.

एअरटेलचा 779 रुपयांचा प्लॅन

Airtelच्या 779 रुपयांच्या प्लॅनबद्दल बोलायचे झाले तर तुम्हाला त्यात 90 दिवसांची वैधता मिळेल .या प्लॅनमध्ये इंटरनेट वापरासाठी दररोज 1.5 GB नुसार एकूण 135 GB डेटा दिला जात आहे. कंपनीच्या या प्लॅनमध्ये, दररोज 100 फ्री एसएमएससह येतात, तुम्हाला देशभरातील सर्व नेटवर्कसाठी अमर्यादित कॉलिंग देखील मिळेल. प्लॅनमध्ये उपलब्ध असलेले अतिरिक्त फायदे 519 रुपयांच्या प्लॅनमध्ये आहेत तेच आहेत.

जिओचा 783 प्लॅन

फायद्यांच्या बाबतीत , जिओचा 783 रुपयांचा प्लॅन एअरटेलच्या 779 रुपयांच्या प्लॅनला टक्कर देतो. Jio चा प्लॅन Airtel पेक्षा 4 रुपये जास्त महाग आहे, पण फायद्यांच्या बाबतीत तो थोडा पुढे आहे. जिओच्या या प्लॅनमध्ये तुम्हाला 84 दिवसांची वैधता मिळेल. प्लॅनमध्ये कंपनी दररोज 1.5 जीबी डेटा देत आहे. या प्लॅनमध्ये तुम्हाला अमर्यादित कॉलिंगसोबत दररोज 100 मोफत एसएमएसही मिळतील. Jio च्या प्लॅनची सर्वात महत्वाची गोष्ट म्हणजे तुम्हाला Disney + Hotstar मोबाईल चे 3 महिन्यांसाठी फ्री सब्सक्रिप्शन देखील मिळेल.