भारतातील दुसरी सर्वात मोठी दूरसंचार कंपनी भारती एअरटेलने परदेशात प्रवास करणाऱ्या भारतीयांसाठी वर्ल्ड पास रिचार्ज प्लॅन लाँच केला आहे. प्लॅनची किंमत 649 रुपयांपासून सुरू होते. प्लॅनमध्ये एअरटेल यूजर्सना 184 देशांमध्ये मोफत इंटरनेट आणि कॉलिंग सुविधा मिळणार आहे. आतापर्यंत टेलिकॉम कंपन्यांकडे वेगवेगळ्या देशांसाठी वेगवेगळे रिचार्ज प्लॅन आणि पॅक होते.
कोरोना महामारीनंतर कामासाठी आणि फिरण्यासाठी लोक मोठ्या प्रमाणात आंतरराष्ट्रीय प्रवासा करत आहेत. भारतात या वर्षी आंतरराष्ट्रीय प्रवाशांच्या संख्येत तीन पटीने वाढ झाली आहे. येत्या वर्षभरात हा आकडा दुपटीने वाढणार असल्याचे बोलले जात आहे. अशा परिस्थितीत परदेशात प्रवास करणाऱ्यांना लक्षात घेऊन एअरटेलने हा प्लॅन आणला आहे. या प्लॅनमध्ये ग्राहकांना जगातील कोणत्याही देशात 24X7 कॉल सेंटर सपोर्ट देखील मिळेल.
हेही वाचा - शेतमजूर ते कॅनाॅल मॅन...जाणून घ्या एक यशोगाथा....
एअरटेल वर्ल्ड पास पोस्टपेड प्लॅन
एअरटेलच्या नवीन वर्ल्ड पास रिचार्जची सुरुवातीची किंमत 649 रुपये आहे. 649 रुपयांच्या प्लॅनमध्ये फक्त एक दिवसाची वैधता उपलब्ध आहे. प्लॅनसह, लोकल आणि भारतात कॉलिंगसाठी 100 मिनिटे आणि 500 एमबी हाय स्पीड डेटा उपलब्ध आहे.
2,999 रुपयांचा प्लॅन - एअरटेलच्या या प्लॅनमध्ये 10 दिवसांची वैधता उपलब्ध आहे. प्लॅनमध्ये 5 GB डेटा आणि कॉलिंगसाठी दररोज 100 मिनिटे मिळतात.
3,999 रुपयांचा प्लॅन - या प्लॅनमध्ये एका महिन्याची वैधता उपलब्ध आहे. प्लॅनमध्ये 100 मिनिटे व्हॉइस कॉलिंग आणि 12 GB डेटा प्रतिदिन मिळतो.
5,999 रुपयांचा प्लॅन- या प्लॅनमध्ये 900 मिनिटे (15 तास) व्हॉइस कॉलिंग आणि 2 GB डेटा 90 दिवसांच्या वैधतेसह उपलब्ध आहे.
14,999 रुपयांचा प्लॅन – या प्लॅनसह तुम्हाला एक वर्षाची वैधता मिळते. प्लॅनमध्ये 3000 मिनिटे व्हॉईस कॉलिंग आणि 15 जीबी डेटा उपलब्ध आहे.
एअरटेल वर्ल्ड पास प्री-पेड प्लॅन
एअरटेलने वर्ल्ड पास प्री-पेड प्लॅनच्या रूपात चार प्लॅन लॉन्च केले आहेत. या प्लॅनमधील सर्वात स्वस्त प्लॅन 649 रुपयांचा आहे. या प्लॅनमध्ये एक दिवसाच्या वैधतेसह 500 एमबी डेटा आणि 100 मिनिटे कॉलिंग सुविधा उपलब्ध आहे. 899 रुपयांच्या प्लॅनमध्ये 10 दिवसांची वैधता, 100 मिनिटे कॉलिंग आणि 5 GB डेटा मिळतो.
एअरटेलचा 2,998 रुपयांचा वर्ल्ड पास प्री-पेड प्लॅन 200 मिनिटे कॉलिंग आणि 30 दिवसांच्या वैधतेसह 5GB डेटा ऑफर करतो. त्याच वेळी, 2,997 रुपयांच्या प्लॅनमध्ये एक वर्षाची वैधता आणि 100 मिनिटे व्हॉइस कॉलिंग उपलब्ध आहे. या प्लॅनमध्ये 2 GB डेटा देण्यात आला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.