Amazfit New Smartwatch Launched: लोकप्रिय फिटनेस ब्रँड Amazfit ने बाजारात आपल्या नवीन स्मार्टवॉचला लाँच केले आहे. कंपनीने भारतात आपली सर्वात महागडी आणि शानदार स्मार्टवॉच लाँच केली आहे. Amazfit Falcon मध्ये कंपनीने एकापेक्षा एक शानदार फीचर्स दिले आहेत. या वॉचमध्ये इन-बिल्ट जीपीएससह सहा सेटेलाइट पोजिशनिंग सिस्टम दिली आहे.

हेही वाचा: भारतीय उत्पादनांच्या खरेदीतली वाढ बनवेल देशाला आर्थिक महासत्ता...

Amazfit Falcon चे फीचर्स

Amazfit Falcon वॉच एअरक्राफ्ट-ग्रेड टीसी४ टायटेनियम यूनिबॉडीने बनलेली आहे. यात क्रिस्टल ग्लास स्क्रीन दिली आहे. याशिवाय, १५० पेक्षा अधिक बिल्ट-इन स्पोर्ट्स मोड दिले असून, यात हाय-स्पीड वॉट स्पोर्ट्स जसे की काइट सर्फिंगपासून ते गोल्फ स्विंग मोडचा समावेश आहे.

कंपनीचा दावा आहे की, यूजरची अ‍ॅक्टिव्हिटी ट्रॅक करण्यासाठी स्पोर्ट्स मोड डेटा ऑन-स्क्रीन राहील. तुम्ही वॉचवर गाणी देखील स्टोर करू शकता व ब्लूटूथ इयरफोन्सच्या माध्यमातून ऐकता येईल. Amazfit Falcon मध्ये एआयवर आधारित Zepp कोच फीचर देखील आहे. याद्वारे तुम्हाला व्यायामासाठी मार्गदर्शन केले जाईल. फिट राहण्यासाठी हे फीचर खूपच उपयोगी येईल.

Amazfit Falcon ची किंमत

Amazfit Falcon ला भारतीय बाजारात तब्बल ४४,९९९ रुपये किंमतीत लाँच करण्यात आले आहे. ग्राहक ३ डिसेंबर २०२२ पासून कंपनीच्या वेबसाइटवरून या वॉचला खरेदी करू शकतात. याशिवाय, Amazfit Falco वॉचला देखील प्री-ऑर्डर करता येईल.

Amazfit Pop 2 स्मार्टवॉच देखील लाँच

Amazfit ने भारतात Pop 2 स्मार्टवॉचला देखील लाँच केले आहे. या वॉचद्वारे Noise, Fire-Bolt सारख्या कंपन्यांना टक्कर देण्याचा Amazfit चा प्रयत्न आहे. Amazfit Pop 2 स्मार्टवॉचमध्ये ब्लूटूथ कॉलिंग, एक मोठा इमर्सिव्ह डिस्प्ले आणि सिंगल चार्जमध्ये आठवडाभर चालणारी दमदार बॅटरी दिली आहे. ही वॉच ब्लूटूथ कॉॉलिंग फीचर सपोर्टसह येते.