शॉपिंगसाठी जर तुम्ही अमेझॉनच्या सेलची वाट पाहत असाल, तर तुमच्यासाठी एक महत्त्वाची बातमी आहे. दिग्गज ई-कॉमर्स कंपनी असलेल्या अमेझॉनने आपल्या ग्रेट फ्रीडम फेस्टिव्हल सेलच्या तारखांमध्ये बदल केला आहे.

यापूर्वी दिलेल्या माहितीनुसार, हा सेल 5 ते 9 ऑगस्टदरम्यान असणार होता. मात्र, आता हा सेल 4 ते 8 ऑगस्ट दरम्यान असणार आहे. प्राईम यूजर्सना 3 ऑगस्ट रोजी दुपारी 12 वाजेपासून इन्स्टंट अ‍ॅक्सेस मिळणार आहे. अमेझॉनने आपल्या किकस्टार्टर डील्स कॅन्सल करण्यात आल्याची घोषणा केली आहे.

टीव्ही-वॉशिंग मशीनवर डील्स

अमेझॉनच्या या सेलमध्ये रेडमीचा 43 इंच 4K स्मार्ट टीव्ही हा केवळ 23,999 रुपयांना उपलब्ध असेल. या टीव्हीची किंमत साधारणपणे 42,999 रुपये आहे. सॅमसंगचा 47,900 रुपयांचा 43 इंच 4K टीव्हीदेखील केवळ 31,990 रुपयांना घेऊ शकता. (Amazon Sale)

या सेलमध्ये 7,790 रुपयांपासून फ्रीज; 6,999 रुपयांपासून स्मार्ट टीव्ही; आणि 5,990 रुपयांपासून वॉशिंग मशीन खरेदी करता येणार आहे. या किंमती सर्व ऑफर्स लागू केल्यानंतरच्या आहेत. या सेलमध्ये स्मार्ट टीव्ही आणि अप्लायन्सेसवर 65 टक्क्यांपर्यंत डिस्काउंट मिळेल.

इतर ऑफर्स

या सेलमध्ये कपडे, शूज आणि इतर प्रॉडक्ट्सवर कमीत कमी 50 टक्क्यांपर्यंत डिस्काउंट मिळणार आहे. या सेलमध्ये पहिल्या खरेदीवर 20 टक्के कॅशबॅक मिळणार आहे. सोबतच, प्राईम अर्ली डील्समध्ये तुम्हाला 30 दिवसांची फ्री प्राईम ट्रायल मिळू शकते.