Apple Devices Threat : इंडियन कॉम्प्युटर इमर्जन्सी रिस्पॉन्स टीम (CERT-In) ने भारतीय ॲपल वापरकर्त्यांना गंभीर इशारा दिला आहे. iPhones, iPads, Macs, आणि इतर अनेक ॲपल उत्पादनांमध्ये असुरक्षिततेबद्दल अनेक त्रुटी असल्याचे त्यांनी नुकतेच उघड केले आहे. या त्रुटींमुळे तुमची संवेदनशील माहिती लिक होण्याची, तुमच्या फोनवर अनधिकृत कोड चालवण्याची,हॅक होण्याची आणि बरेच काही धोक्याचे होऊ शकते.
CERT-In द्वारे दिनांक २ ऑगस्ट (२०२४) रोजी जारी केलेल्या सूचनेनुसार, अनेक ॲपल सॉफ्टवेअर आवृत्त्यांवर याचा परिणाम होतो. विशेषत: खालील आवृत्त्यांवर या असुरक्षिततेच्या त्रुटींचा प्रभाव दिसून येतो.
iOS आणि iPadOS: आवृत्ती १७.६ आणि १६.७.९ पेक्षा जुनी आवृत्त्या
macOS Sonoma: आवृत्ती १४.६ पेक्षा जुनी आवृत्त्या
macOS Ventura: आवृत्ती १३.६.८ पेक्षा जुनी आवृत्त्या
macOS Monterey: आवृत्ती १२.७.६ पेक्षा जुनी आवृत्त्या
watchOS: आवृत्ती १०.६ पेक्षा जुनी आवृत्त्या
tvOS: आवृत्ती १७.६ पेक्षा जुनी आवृत्त्या
visionOS: आवृत्ती १.३ पेक्षा जुनी आवृत्त्या
Safari: आवृत्ती १७.६ पेक्षा जुनी आवृत्त्या
या धोक्याला कमी करण्यासाठी CERT-In ने ॲपल वापरकर्त्यांना ॲपलद्वारे पुरवलेले आवश्यक सॉफ्टवेअर लगेच अपडेट्स करण्याचा आग्रह केला आहे. ही चेतावणी असूनही, ॲपलने अद्याप या असुरक्षिततेच्या त्रुटींसंबंधित कोणत्याही सुरक्षा धोक्यांची अधिकृतपणे पुष्टी केलेली नाही.
हे हल्ले कुख्यात पेगासस स्पायवेअर प्रमाणे आहेत, जे NSO ग्रुपने विकसित केले आहे आणि ते रिमोटवरून iPhones ची माहिती चोरण्याचा प्रयत्न करतात. ॲपलची ही सूचना म्हणजे वापरकर्त्यांना या अत्याधुनिक स्पायवेअर धोक्यांबद्दल माहिती देणे, जे सामान्य सायबर गुन्हेगारी क्रियाकलाप किंवा ग्राहकांसाठी असलेल्या मालवेअरपेक्षा अधिक धोकादायक आहेत. जम्मू आणि काश्मीरच्या माजी मुख्यमंत्री महबूबा मुफ्ती यांच्या मीडिया सल्लागार आणि मुलगी इल्तिजा मुफ्ती आणि समृद्ध भारत फाउंडेशनचे संस्थापक पुष्पराज देशपांडे यांनी त्यांच्या फोनवर शक्य हॅकिंगविषयी ॲपलकडून अलर्ट मिळाल्याचे जाहीर केले होते.
इलेक्ट्रॉनिक्स आणि माहिती तंत्रज्ञान मंत्रालय (MeitY) आणि ॲपलने अद्याप या सुरक्षा समस्यांबद्दल माहिती दिली नाहीये. दरम्यान, CERT-In परिस्थितीचे जवळून निरीक्षण करत आहे आणि वापरकर्त्यांना अद्ययावत राहायचे आणि नवीन सुरक्षा पॅचेस उपलब्ध झाल्यावर त्या लागू करण्याचा सल्ला देत आहे. या असुरक्षिततेमुळे निर्माण होणारे धोके आणि शक्य स्पायवेअर हल्ल्यांपासून स्वतःचे संरक्षण करण्यासाठी हा सक्रिय दृष्टीकोन अत्यंत आवश्यक आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.