अ‍ॅपलने आपली बहुप्रतिक्षित आयफोन-15 सीरीज काल (12 सप्टेंबर) लाँच केली. आपल्या वार्षिक इव्हेंटमध्ये या सीरीजीची घोषणा करण्यात आली. अपेक्षेप्रमाणे नवीन आयफोनमध्ये कित्येक अपडेट्स आणि नवीन फीचर्स देण्यात आले आहेत.
अ‍ॅपलच्या आयफोन-15 प्रो आणि आयफोन-15 प्रो मॅक्स या फोनमध्ये दोन मोठे बदल दिसून आले. मागच्या मॉडेलमध्ये असणारे म्युट बटण यामध्ये काढून टाकण्यात आलं आहे. त्याजागी नव्या आयफोन-15 प्रो मॉडेल्समध्ये एक अ‍ॅक्शन बटण देण्यात आलं आहे.
यापूर्वीच्या आयफोन मध्ये असणाऱ्या रिंगर/म्युट बटणाची जागा हे नवीन बटण घेईल. हे बटण बाय-डीफॉल्ट सायलंट किंवा रिंगर टॉगलप्रमाणे काम करेल. मात्र, याची सेटिंग बदलून यूजर्स इतर गोष्टींसाठी देखील याचा वापर करू शकणार आहे.
या बटणाचा वापर तुम्ही व्हॉईस रेकॉर्डिंग सुरू करण्यासाठी, कॅमेरा सुरू करण्यासाठी, अ‍ॅक्सेसिबिलिटी फंक्शन्स सुरू करण्यासाठी तसंच कित्येक फीचर्स किंवा अ‍ॅप्स लाँच करण्यासाठी शॉर्टकट म्हणूनही या बटणाचा वापर करता येऊ शकतो.
नव्या आयफोन सीरीजच्या डिझाईनमधील आणखी एक मोठा बदल म्हणजे, टाईप-सी चार्जिंग पोर्ट. यामुळे आता आयफोन-15 सीरीजमधील कोणताही फोन अँड्रॉईडच्या टाईप-सी चार्जिंग केबलने चार्ज करता येणार आहे. ज्यांच्याकडे आधीपासून लाईटनिंग चार्जिंग केबल आहे, त्यांना मात्र नवीन टाईप-सी केबल विकत घ्यावी लागेल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.