iPhone SE 4 Features : आयफोनच्या प्रेमींसह स्मार्टफोन प्रेमींसाठी आनंदाची बातमी आहे. अ‍ॅपल कंपनी लवकरच आपल्यासाठी खास बजेट फ्रेंडली iPhone SE 4 घेऊन येत आहे. नुकत्याच झालेल्या iPhone 16 सीरीजच्या लॉन्चमध्ये जरी हा फोन दिसला नाही, तरीही या फोनबद्दल काही रोमांचक अपडेट्स समोर आल्या आहेत.
नुकत्याच समोर आलेल्या लीक्सनुसार, iPhone SE 4 मार्च 2025 मध्ये लाँच होण्याची शक्यता आहे. अजून अ‍ॅपलकडून कोणतीही अधिकृत घोषणा आलेली नसली तरी, काही सूत्रांनी लॉन्च अपेक्षेपेक्षा लवकर होऊ शकते असा दावा केला आहे. बजेट फ्रेंडली आयफोन शोधणाऱ्यांमध्ये सर्प्राइज देणारी ही बातमी मायकल टिगास या डेव्हलपरने लीक केली आहे.
iPhone SE 4 अनेक दमदार फीचर्ससह येण्याची शक्यता असून बजेट स्मार्टफोन मार्केटमध्ये तो एक जबरदस्त पर्याय ठरू शकेल. लीक्सनुसार, यात खालील गोष्टींचा समावेश असू शकतो.
OLED डिस्प्ले: हा एक प्रीमियम फीचर आहे जो सामान्यत: महागड्या मॉडेल्समध्ये आढळतो.
A18 चिपसेट: नुकत्याच आलेल्या iPhone 16 मध्ये असलेला हाच अत्याधुनिक प्रोसेसर उच्च कामगिरीची हमी देते.
USB Type-C चार्जिंग: iPhone 16 सीरीजच्या ट्रेंडनुसार, SE 4 मध्ये देखील हा आधुनिक चार्जिंग पोर्ट असू शकतो.
iPhone SE 4 मध्ये अ‍ॅपल कृत्रिम बुद्धिमत्ता-आधारित फीचर्स आणू शकते, तसेच नवीनतम iPhone 16 सीरीजमध्ये आहेत. यामुळे वापरकर्त्याचा अनुभव अधिक स्मार्ट फीचर्स आणि सुधारित कॅमेरा यांच्यामुळे अधिक चांगला होण्याची शक्यता आहे.
iPhone SE 4 च्या कॅमेरा सेटअपबद्दल मिश्र संकेत आहेत. काही लीक्सनुसार, या फोनमध्ये सिंगल कॅमेरा लेन्स असेल, तर काही जण iPhone 16 सारखे व्हर्टिकल कॅमेरा मॉड्यूल असल्याचे सूचित करतात. तरीही, अ‍ॅपल या बजेट डिव्‍हाइसमध्ये देखील चांगला कॅमेरा फीचर देईल अशी अपेक्षा आहे.
iPhone SE 4 ची किंमत iPhone 16 सीरीजपेक्षा तुलनेने कमी असण्याची शक्यता आहे. ज्यांना बजेटवाला iPhone घेण्याची इच्छा आहे त्यांच्यासाठी हा एक उत्तम पर्याय ठरू शकेल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.