Chat GPT : जगातील सर्वात लोकप्रिय चॅटबॉटमध्ये चॅट जीपीटीची (Chat GPT) गणना होते. चॅट जीपीटी आणखी स्मार्ट बनणार आहे. चॅट जीपीटी डेव्हलपर लवकरच एक नवीन फीचर घेऊन येत आहेत. "कॉन्टेक्सट कनेक्टर" (Context Coonector) नावाच्या या फीचरच्या मदतीने तुम्ही तुमच्या गूगल ड्राइव्ह आणि वनड्राईव्ह वरील फाईल थेट चॅटबॉटला विश्लेषणासाठी देऊ शकणार आहात.

ओपनएआय सतत नवीन फीचर्स जोडत असल्याने तो दिवसेंदिवस अधिकाधिक चांगला होत आहे. गेल्या वर्षी, चॅट जीपीटीने अनेक फायली अपलोड करून त्यांचे विश्लेषण करण्याची, माहिती गोळवण्याची आणि सारांश तयार करण्याची सुविधा दिली होती.

आता @legit_rumors नावाच्या अकाउंटने केलेल्या पोस्टनुसार, ओपनएआय (Open AI) "कॉन्टेक्सट कनेक्टर" नावाच्या नवीन फीचरवर काम करत असल्याचे दिसून येते. या फीचरच्या मदतीने चॅट जीपीटी थेट गूगल ड्राइव्ह आणि वनड्राईव्ह वरील फायलींचे विश्लेषण करू शकेल.

आत्तापर्यंत, तुम्हाला चॅट जीपीटीला या क्लाउड सेवांमधून फायली विश्लेषणासाठी द्यायच्या असतील तर, त्या फायली तुमच्या सिस्टिमवर डाउनलोड करून मग चॅटबॉटला द्याव्या लागतात. पण येणारे हे फीचर या संपूर्ण प्रक्रियेला सोपे करेल आणि वेळही वाचेल.

वापरकर्त्यांनी टेन्ट बॉक्सच्या डाव्या बाजूला असलेल्या फाइल अॅटॅचमेंटच्या बटणवर क्लिक केल्यावर चॅट जीपीटी "Add from Google Drive" असा बटन दाखवेल, ज्यावर क्लिक केल्यावर तुमच्या गूगलच्या क्लाउड स्टोरेजमधील सर्व फायली दिसतील. फाइल विश्लेषणासारखेच (Analysis) तुम्ही संपूर्ण डॉक्युमेंटचा सारांश, बुलेट पॉईंट्स आणि इतर अनेक कार्ये चॅट जीपीटीकडून करवून घेऊ शकता.

"कॉन्टेक्सट कनेक्टर"(Context Connector) सध्या विकासाच्या अवस्थेत आहे आणि हे फीचर सर्वांसाठी कधी उपलब्ध होईल याबाबत कोणतीही माहिती नाही. इतकेच नव्हे, ओपनएआय हे सर्वांसाठी उपलब्ध करेल की फक्त चॅट जीपीटी प्लस सबस्क्रिप्शन (Chat GPT Plus Subscription) घेतलेल्या वापरकर्त्यांपुरतेच मर्यादित ठेवेल याबाबतही अद्याप माहिती नाही.