हायलाइट्स

• गोरेगाव आणि बोरिवली दरम्यान १० ठिकाणी १२० डॉक्सची सुविधा

• वर्षाअखेरीस शहरात आणखी ५० ठिकाण जोडली जाणार

• दोन वर्षात मुंबईत दररोज ३०,००० हून अधिक दुचाकीस्वारांची पूर्तता करू शकणारी ५०० बॅटरी स्वॅपिंग ठिकाणांचे उद्दिष्ट

E-Bike - प्रदूषण कमी करण्यासाठी ई-बाईकचा प्रस्ताव सरकार कडून मांडला गेला. त्याला जनतेनेही सकारात्मकपणे घेतले. पण ई-बाईक घेतल्यावरही त्याच्या चार्जिंगचे इन्फ्रास्ट्रक्चर उपलब्ध्द नसल्याने एवढे महागाचे वाहन घेऊन करायचे काय, असा प्रश्न पडतो. यावर मुंबईच्या बॅटरी स्वॅपिंग स्टार्ट-अप उपक्रम ‘व्होल्टअप’ने अदानी इलेक्ट्रिसिटी, हिरो इलेक्ट्रिक आणि झोमॅटो यांच्याशी भागीदारी जाहीर केली आहे.

काय असते बॅटरी स्वॅपिंग?

ई-दुचाकींच्या बॅटरीची अदलाबदल म्हणजे बॅटरी स्वॅपिंग

ई-बाईकपुढचे आव्हाने

चार्जिंग पायाभूत सुविधांचा अभाव, तशा सुविधा बाळगण्याची उच्च किंमत आणि विद्युत (इलेक्ट्रिक) वाहनांसाठी लागणारा दीर्घ चार्जिंग वेळ

काय होणार फायदा

• चर्चगेट ते मीरा-भाईंदर या पश्चिम मार्गावर वर्षाअखेरीस आणखी ५० स्थानांची भर घालणार आहे.

• गोरेगाव आणि बोरिवली दरम्यान १० ठिकाणी १२० कठड्यांसह (डॉक्स) सुरू होणार.

• २०२४ पर्यंत मुंबईभर अशा ५०० बॅटरी स्वॅपिंग केंद्रे कार्यान्वित करण्याचा विचार

• दररोज ३०,००० हून अधिक दुचाकीस्वारांना सेवा पुरविली जाईल.

• झटपट बॅटरी अदलाबदल केल्याने डिलिव्हरी रायडर्सना सतत बॅटरी चार्ज करण्यासाठी थांबावे लागणार नाही.

• जीवाश्म इंधनाला पर्यायी स्वच्छ इंधन वापरून त्यांचा वाहनचालनाचा खर्चही ३ रुपये प्रति किमीवरून कमी होऊन १ रुपया प्रति किमी होईल